"ეისითი გლობალი" გერმანიის საერთაშორისო თანამშრომლობის საზოგადოების (GIZ) ინიციატივით, იწყებს ახალ კვლევით პროექტს, რომლის მიზანია საქართველოში ენერგოეფექტური სახელმწიფო შესყიდვების (EEPP) მიმდინარე პრაქტიკებისა და ტენდენციების ანალიზი და ამ სფეროს განვითარებისათვის ქმედითი რეკომენდაციების შემუშავება.
კვლევის ფარგლებში ჩატარდება სახელმწიფო შესყიდვებში ენერგოეფექტურობის პრინციპების დანერგვის არსებული გამოცდილების შეფასება, გამოიკვეთება ძირითადი გამოწვევები და ბარიერები, ხოლო მიღებული შედეგების საფუძველზე მომზადდება პრაქტიკული რეკომენდაციები, რომლებიც ხელს შეუწყობს ენერგოეფექტურობის მიმართულებით მდგრადი განვითარების პროცესს.
კვლევა ხორციელდება ECO.Georgia პროექტის ფარგლებში, რომელიც კლიმატის მწვანე ფონდის (GCF) მხარდაჭერით 2021–2028 წლებში ეხმარება საქართველოს სატყეო სექტორის რეფორმაში და მიზნად ისახავს სათბური აირების შემცირებას, ტყეების მართვისა და ენერგოეფექტურობის გაუმჯობესების გზით, რათა შემცირდეს მოთხოვნა საწვავ ხე-ტყეზე.
