ანალიტიკური ანგარიში ენერგოეფექტური სახელმწიფო შესყიდვების შესახებ საქართველოში

პროექტის მიზანია, მომზადდეს საქართველოში ენერგოეფექტური სახელმწიფო შესყიდვების (EEPP) შესახებ ყოვლისმომცველი ანალიტიკური ანგარიში, რომელიც დაფუძნებული იქნება არსებული პრაქტიკის (2023–2024 წლებისთვის) საფუძვლიან იდენტიფიცირებასა და ანალიზზე და სახელმწიფო შესყიდვებში ენერგოეფექტურობის გაუმჯობესების ქმედითი რეკომენდაციების შემუშავებაზე. პროექტი მოიცავს შემდეგ ძირითად ამოცანებს: 

(ა) არსებული პრაქტიკის ანალიზი: საქართველოში იმ ძირითადი საჯარო დაწესებულებების იდენტიფიცირება, რომლებიც თავიანთ შესყიდვებში ენერგოეფექტურობის კრიტერიუმებს ითვალისწინებენ, განსაკუთრებით იმ საქონლისა და მომსახურებისთვის, რომლებიც EEPP-ის შესახებ დადგენილებით (რომელიც 2027 წლიდან უნდა ამოქმედდეს) არის გათვალისწინებული; 

(ბ) ტენდენციების ანალიზი: სახელმწიფო შესყიდვების პროცესებში EEPP-თან მიმართებაში არსებული უფრო ფართო ტენდენციების შესწავლა - წარმატებული შემთხვევების (საუკეთესო პრაქტიკის) გამოკვეთა და იმ გამოწვევების ან ბარიერების იდენტიფიცირება, რომლებსაც შემსყიდველი ორგანიზაციები აწყდებიან ენერგოეფექტურობის კრიტერიუმების დანერგვისას; 

(გ) რეკომენდაციების შემუშავება: დასკვნების საფუძველზე, პრაქტიკული, ყოვლისმომცველი რეკომენდაციების ჩამოყალიბება, რომლებიც მიზნად ისახავს ენერგოეფექტური შესყიდვების გაფართოებასა და გაუმჯობესებას; 

(დ) დაინტერესებულ მხარეებთან სემინარის ჩატარება და კვლევის შედეგების ვალიდაცია: ცოდნის გაზიარება საქართველოში სახელმწიფო შესყიდვების სპეციალისტებს შორის და უკუკავშირის მიღება, რაც საფუძვლად დაედება საბოლოო რეკომენდაციებსა და სამომავლო პოლიტიკის შემუშავებას.

ძირითადი პარტნიორები:  გერმანიის საერთაშორისო თანამშრომლობის საზოგადოება (GIZ) 

პროექტის გუნდის წევრები: ნესტანი გაფრინდაშვილი, სანდრო ნოზაძე