2026 წლის 26 ივნისს ეისითი გლობალმა გორში, საქართველოში, რეგიონული PROGRESS პროექტის - „მწვანე შეთანხმების ხელშეწყობა აღმოსავლეთ პარტნიორობის ქვეყნებში“ - ფარგლებში ვალიდაციის სამუშაო შეხვედრას უმასპინძლა.

სამუშაო შეხვედრამ გააერთიანა სახელმწიფო, სამოქალაქო საზოგადოების, კერძო სექტორისა და აკადემიური წრეების წარმომადგენლები, რომლებიც შეხვედრას როგორც ადგილზე, ისე ონლაინ ფორმატში შეუერთდნენ. მონაწილეებმა განიხილეს და შეაფასეს საქართველოს მოცვისა და ნუშის ღირებულებათა ჯაჭვებისთვის შემუშავებული სასწავლო მასალები.

დისკუსია შეეხო მდგრადი აგროტექნოლოგიების, ასევე კლიმატგონივრული სარწყავი და ფერტიგაციის პრაქტიკებს. მონაწილეებმა შეაფასეს მოდულების პრაქტიკული შესაბამისობა და გაცვალეს მოსაზრებები გაუმჯობესების მექანიზმებზე, რათა სასწავლო მასალებმა უფრო მეტად უპასუხოს საქართველოს სოფლის მეურნეობის სექტორის საჭიროებებს.

PROGRESS პროექტი ფინანსდება გერმანიის ფედერალური მთავრობის საერთაშორისო კლიმატის ინიციატივის (IKI) მიერ და ხორციელდება GIZ-ის ხელმძღვანელობით მოქმედი კონსორციუმის მიერ.