Პროექტის შედეგები უზრუნველყოფს ეროვნულ დონეზე რეპრეზენტატული მონაცემების მიღებას, რაც კრიტიკულად მნიშვნელოვანია სოციალური დაცვის სფეროში არსებული ხარვეზების გამოსასწორებლად. გარდა ამისა, პროექტი უზრუნველყოფს ღირებულ მიგნებების გენერირებას, რომლებიც ხელს უწყობს უფრო ეფექტური პოლიტიკისა და ინტერვენციების შემუშავებასა და განხორციელებას სოციალური სერვისების მიწოდების მიმართულებით. Შესაბამისად, აღნიშნული მიგნებები დაეხმარება სოციალური დაცვის სისტემების გაძლიერებას, პროგრამების დაგეგმვის გაუმჯობესებას, ადვოკატირების გაძლიერებას და სოციალური მობილიზაციის აქტივობების  ეფექტურად წარმართვას და ძირითადი გადაწყვეტილებების და სტრატეგიების შემუშავებას. 

KAP კვლევის მიერ მიღებული რაოდენობრივი მონაცემები იქნება პროექტის საბაზისო მაჩვენებლები და მნიშვნელოვანია სოციალური დაცვის საკითხების მასშტაბის და შინაარსის გაგებისთვის, იგი უზრუნველყოფს მტკიცებულებებზე დაფუძნებული გადაწყვეტილებების მიღებას და პოლიტიკის რეფორმას. ამ მონაცემების გამოყენებით შესაძლებელია სოციალური დაცვის პროგრამების უკეთ მორგება მოსახლეობის საჭიროებებს, რაც საბოლოოდ ხელს შეუწყობს მოწყვლადი ჯგუფების დაცვისა და კეთილდღეობის გაზრდას. ამგვარად, KAP კვლევა წარმოადგენს საკვანძო ინსტრუმენტს საქართველოში სოციალური დაცვის დღის წესრიგის გაუმჯობესებისთვის და იმის უზრუნველსაყოფად რომ მომავალი პროგრამები უფრო საპასუხო და ეფექტური იყოს. 

მიზნის და ამოცანების მისაღწევად, ეისითი გლობალმა გამოიყენა  თვისებრივი (ფოკუსური ჯგუფური დისკუსიები) და რაოდენობრივი კვლევის (პირისპირ ინტერვიუები) მეთოდები. პროექტის ფარგლებში ჩატარდა 15 ფოკუსური ჯგუფური ინტერვიუ სხვადასხვა სოციალური დაცვის პროგრამის ბენეფიციარებთან და 2344 პირისპირ ინტერვიუ საქართველოს მასშტაბით. (1912 შემთხვევითად შერჩეული შინამეურნეობა, 432 მიზნობრივად შერჩეული ბენეფიციარი შინამეურნეობა) 

კვლევის შედეგები გამოყენებული იქნა ევროკავშირის მიერ დაფინანსებული პროექტის „სოციალური დაცვის გაძლიერება საქართველოში“ საბაზისო ინდიკატორად.  კვლევის ფარგლებში ასევე შემუშავდა მტკიცებულებებზე დაფუძნებული რეკომენდაციები, რომლებიც უზრუნველყოფს დამატებით მიგნებებს და ღირებულებას მომავალი პროექტის აქტივობებისთვის.