2021 წლის თებერვლიდან, ASB-ს ოფისი საქართველოში ახორციელებს პროექტის - „ერთად შევძლებთ - თანამშრომლობა გადაუდებელი სიტუაციებისას საქართველოსა და სომხეთში”, რომელიც დაფინანსებულია ევროპის სამოქალაქო დაცვისა და ჰუმანიტარული დახმარების ოპერაციების გენერალური დირექტორატის (ECHO) მიერ.  პროექტის ძირითადი მიზანია კატასტროფის რისკის მართვის სისტემის გაუმჯობესება, შესაძლებლობების განვითარების და ტრანსსასაზღვრო თანამშრომლობის მექანიზმების შექმნით. განსაკუთრებული ყურადღება გამახვილებულია სომხეთსა და საქართველოში საგანგებო სიტუაციების დროს ჯანდაცვის მიმართულებაზე. 

საჭიროების შეფასება განხორციელდა ზემოხსენებული პროექტის ფარგლებში, რომლის შედეგებმა და ეისითი გლობალის მიერ შემუშავებულმა რეკომენდაციების პაკეტმა მნიშვნელოვანი წვლილი შეიტანა გადაუდებელი სამედიცინო ჯგუფის (EMT) სტანდარტული ოპერაციული პროცედურების (SOP), მოქმედების გეგმისა და შესაბამისი სახელმძღვანელოების შემუშავებაში, რომლებიც საქართველოში ASB-ის ქვეყნის ოფისის მიერ განხორციელდა. 

განსაკუთრებით, შეფასების შედეგებმა უზრუნველყო მყარი საფუძველი რეკომენდაციების შემუშავებისთვის, რომლებიც საჭირო ცვლილებებს ეხებოდა EMT-ების შექმნისა და ეფექტიანი ფუნქციონირებისათვის საქართველოში და სომხეთში. 

კვლევის ფარგლებში გამოყენებული იქნა თვისებრივი და სამაგიდე კვლევის მიდგომები. ეისითი გლობალმა ჩაატარა 10 ინტერვიუ საქართველოში დაინტერესებულ მხარეებთან და 9 ინტერვიუ სომხეთში მთავარ ოფიციალურ პირებებთან, ადგილობრივ და საერთაშორისო აქტორებთან. გარდა ამისა, ეისითი გლობალის გუნდმა გააანალიზა WHO-ს სტანდარტები EMT-ის შექმნის შესახებ და ამ სფეროში არსებული საუკეთესო პრაქტიკები. 

კვლევის ფარგლებში გაანალიზდა EMT-ის შექმნის ზოგადი გარემო საქართველოში და სომხეთში, შეფასდა ამ ქვეყნების ძლიერი და სუსტი მხარეები, ადამიანური რესურსების მზადყოფნა და ინსტიტუციური სისტემა. კვლევის ფარგლებში ასევე განხორციელდა საკანონმდებლო ანალიზი, რათა ჩართულიყო ამ პროცესში საკანონმდებლო ბარიერები. საერთო ჯამში, ეისითი გლობალის გუნდმა შეიმუშავა რეკომენდაციები იმის შესახებ, რა სახის EMT-ები შეიძლება შეიქმნას საქართველოში და სომხეთში მათი ინსტიტუციური მოწყობის გათვალისწინებით და შესაბამისად, შეადგინა ამ გუნდებისთვის საჭირო აღჭურვილობის სია.