world icon Geo drop down arrow
world icon Geo drop down arrow

განახლებული ეისითი HR ბიზნეს სამიტზე

31.05.2021 1 წუთის საკითხავი
განახლებული ეისითი HR ბიზნეს სამიტზე

2021 წლის 31 მაისს HR hub-ის ორგანიზებით წლის მთავარი HR მოვლენა - HR ბიზნეს სამიტი 2021 გაიმართა. კვლევისა და საკონსულტაციო კომპანია ეისითი თავისი გუნდით და უნიკალური პროდუქტებით წარმოდგენილი იყო სამიტზე და ღონისძიებაში რამდენიმე მიმართულებით მიიღო მონაწილეობა.


კომპანიის დამფუძნებელი და ხედვის ლიდი თინათინ რუხაძე სამიტის ერთ-ერთი სპიკერის როლში, მონაწილეების წინაშე თემით: „ტრანსფორმაციის სამი ძალა“ წარდგა.



ღონისძიებაზე კომპანიამ თავისი სტენდით პირველად მოახდინა რებრენდირებული კომპანიის წარდგენა - ახალი კონცეფციით, ფერით, ლოგოთი და სლოგანით. სტენდთან მოსულ ყველა დაინტერესებულ სტუმარს ინფორმაციას ეისითის ორი ახალი მიმართულების - ბიზნეს ანალიტიკის და მენეჯმენტ კონსალტინგის შესახებ აწვდიდნენ.



ბიზნეს ანალიტიკის მიმართულების პოპულარიზაციის და სამიზნე სეგმენტისთვის მთავარი პროდუქტის ორგანიზაციული ქსელური ანატომიის გაცნობის მიზნით, სამიტის ქსელური ანალიზის ჩატარდა, რომლის შედეგადაც ღონისძიების ყველაზე მეგობრული და პროფესიული ქსელის ლიდერები გამოვლინდნენ. ტიტულის მფლობელები კი, ეისითის სპეციალური საჩუქრებით დაჯილდოვდნენ.


HR ბიზნეს სამიტს სხვადსხვა კომპანიის 200-ზე მეტი წარმომადგენელი დაესწრო. ღონისძიება ერთღიანი ფორმატით გაიმართა და მოიცავდა როგორც სპიკერების გამოსვლას, ასევე პანელ-დისკუსიებს, ვორქშოფებს და ნეთვორქინგ აქტივობებს. წლევანდელი სამიტის მთავარი თემა HR გამოწვევები და ინოვაციები გახლდათ, სწორედ ამ თემის ირგვლივ მოხდა რეალური ბიზნეს ქეისების, გამოცდილების და იდეების გაზიარება.


ბოლო სიახლეები

პანდემიამ დააჩქარა ტექნოლოგიური განვითარება და გაციფრულება. ადამიანებმა მოკლე დროში შეიძინეს მნიშვნელოვანი ციფრული უნარები. მიუხედავად პანდემიით გამოწვეული დიდი ზიანისა. ვფიქრობ 2020 კარგი წელი იყო ტექნოლოგიური განვითარების კუთხით.


დიჯიტალიზაციის პროცესმა არამარტო კომპანიის განვითარებას შეუწყო ხელი, არამედ მომხმარებელზეც მოახდინა გავლენა. თუ აქამდე ციფრული მომსახურება მკვეთრად უსწრებდა დაკვეთას, ახლა მომხმარებელში მაღალია მზაობა აღნიშნული მომსახურების მიღებისათვის. არსებობს მოლოდინი, რომ ტექნოლოგიები სტანდარტულ პროდუქტებს ახალ სიცოცხლეს შესძენს, აჩქარებულ დროს უფრო პროდუქტიულად გაანაწილებს.


კომპანია ეისითის გააჩნია მაღალი ექსპერტიზა სატელეფონო კვლევების მიმართულებით. 2012 წლიდან ციფრული განვითარების გუნდი საქმიანობაში სხვადასხვა პროგრამულ უზრუნველყოფებს ცდიდა და თანამედროვე მოთხოვნების შესაბამის ვარიანტს ეძებდა.


საერთაშორისო პროგრამების გამოყენებამ და კლიენტების მოთხოვნებზე დაკვირვებამ შესაძლებელი გახადა 
ონლაინ ქოლ- ცენტრის მომსახურების შექმნაუახლესი ტექნოლოგიების და ინოვაციური მიდგომების გაერთიანება 
კონკრეტულ ციფრულ პროდუქტში.


„როდესაც დავდექით ამ საჭიროების წინაშე და გავაანალიზეთ სიტუაცია, მივხვდით, რომ დადგა დრო, გამოგვეყენებინა ის ტექნოლოგიები და ციფრული პროდუქტები, რომლებზეც მანამდე ვმუშაობდით“.


გადაწყვეტილების მიღების შემდეგ დაჩქარდა „დიფლექსის“ განვითარებაზე მუშაობა. „დიფლექსი“ არის პლატფორმა ვირტუალური ქოლ-ცენტრის უზრუნველსაყოფად. პროდუქტი უნიკალურია თავისი არსით და გამოყენებით. დიფლექსი თავის თავში აერთიანებს ყველა იმ პრიორიტეტს, რომელსაც სხვადასხვა საჭიროებისთვის ცალკეული ტექნოლოგიები უზრუნველყოფენ:


  • ის ადაპტირებადია ყველა ტიპის მოწყობილობაზე;
  • აქვს მოქნილი სისტემა, რომელშიც ადამიანები მუშაობენ ნებისმიერი ადგილიდან;
  • გააჩნია ინტუიციური ინტერფეისი, რაც მასში მუშაობის პროცესს ამარტივებს;
  • მასში ჩაშენებულია მანქანური სწავლების მოდული, რომლის დახმარებითაც სწრაფად სტატუსდება შედეგი. ავტომატიზაციის ეს ელემენტი ზოგავს ოპერატორის ლოდინის დროს და ხარჯებს საწარმოო პროცესში.


აღნიშნული უპირატესობებით ყველაზე მთავარი, რის საშუალებასაც „დიფლექსი“ იძლევა, ეს არის კომპანიებისთვის დანახარჯების შემცირებით და უფრო მოქნილი მიდგომებით ფუნქციონირების შესაძლებლობა. თუ კომპანიას არ აქვს შესაბამისი ინფრასტრუქტურა – ოფისები, სერვერები და არ ჰყავს შესაბამისი ოპერატორები, მაგრამ სურს ქოლ-ცენტრის მოწყობა ან ცხელი ხაზის ამუშავება, შეუძლია ისარგებლოს „დიფლექსის“ მომსახურებით. 


ამასთან, „დიფლექსი“ უზრუნველყოფს პირადი ბაზების კონფიდენციალურობის დაცვას, რადგან ქოლ-ცენტრების მომხმარებელ ორგანიზაციებს აქვთ საშუალება, არსებული სატელეფონო ბაზა თავიანთ მხარეს დაიტოვონ და ისე მიიღონ მომსახურება აუთსორსზე. ხარისხის კონტროლის მიზნით კი, პროცესშივე მოახდინონ ზარების მონიტორინგი და კორექტირება.


კომპანიისთვის „დიფლექსი“ აღმოჩნდა თანამედროვე და ადეკვატური გამოსავალი საწარმოო მიმართულებით არსებული კრიზისიდან, რომელიც იქცა ამბიციურ განაცხადად მომავლისთვის. „დიფლექსმა“ მისცა შესაძლებლობა კომპანიას, აეღო ნებისმიერი მასშტაბის და სირთულის პროექტი, რომელზეც სხვა შემთხვევაში, კრიზისის გამო, თავს შეიკავებდა.


შედეგად „დიფლექსმა“ უზრუნველყო ადამიანების დისტანციური დასაქმება, მაშინ, როდესაც ქვეყანაში კრიზისის აქტიური ფაზა დაიწყო და სამუშაო პროცესის შეწყვეტამ ადამიანების ფინანსურ მდგომარეობაზე იმოქმედა. „დიფლექსის“ საშუალებით კომპანია ვირტუალურად ააქტიურებდა პროექტულ კადრებს და სთავაზობდა მათ ანაზღაურებად სამუშაოს სახლიდან გაუსვლელად. დღეს „დიფლექსს“ აქვს გლობალური განვითარების პოტენციალი, რასაც ამ პროდუქტით საერთაშორისო ბაზარზე მსხვილი და გავლენიანი კომპანიების დაინტერესება ცხადყოფს.


„უმსხვილესმა კომპანიებმა, როგორიცაა QuestionPro, SurveyToGo და ა.შ. რომელთაც დღეს ათობით მილიონი აქტიური მომხმარებელი ჰყავთ, გამოთქვეს ჩვენთან თანამშრომლობის სურვილი და „დიფლექსის“, როგორც პროდუქტის მიმართ ინტერესი გამოამჟღავნეს. პრეზენტაციის შემდეგ ჩვენს სფეროში ყველაზე მსხვილმა კომპანიამ QuestionPro-ს CEO-მ პირადად მიგვიწვია გასაუბრებაზე“.


ახალი ციფრული პროდუქტი ძალებს იკრებს და მსოფლიო არენაზე გასვლისთვის ემზადება. მთავარი კონცეფცია კი „Win to Win“ პრინციპს ემყარება, კომპანიები „დიფლექსის“ დამატებით იღებენ სრულყოფილი მომსახურების გაწევის შესაძლებლობას, ხოლო ეისითი იღებს წვდომას ახალ მომხმარებლებზე მინიმალური დანახარჯებით.



ავტორი: ნინო ხარშილაძე

ციფრული განვითარების ლიდი


27.04.2021

2020 აუცილებლად შევა კაცობრიობის ისტორიაში, როგორც სამყაროს ტრანსფორმაციის წელი.


ამ ანგარიშში ჩვენ შევაჯამეთ ეისითის 2020 წლის ყველაზე მნიშვნელოვანი და ტრანსფორმაციული მოვლენები. გვსურს გაგიზიაროთ ჩვენი გამოცდილება. ჩვენ გვჯერა, რომ ერთად შევქმნით უკეთეს 2021 წელს!


ანგარიშის სანახავად მიჰყევით ბმულს.


30.03.2021

პანდემიის გავლენით სამყაროში მნიშვნელოვანი ცვლილებები განხორციელდა, რამაც გვაიძულა ვაღიაროთ ახალი რეალობა, რომელშიც დღეს ვიმყოფებით.  დიდი  გამოწვევების ფონზე  კომპანიებს ახალი რესურსების საჭიროება გაუჩნდათ და სამუშაოს გადაწყობა მოუწიათ. როგორია ადამიანური რესურსების სფეროს დღევანდელობა, რა გამოწვევების  წინაშე დგანან HR სპეციალისტები და რა შესაძლებლობების გამოყენების შანს ხედავენ, ჩვენ გთავაზობთ კომპანია  One point -ის დამფუძნებლის ნინო ნიაურის ინტერვიუს.


ACT: საინტერესოა 2020 წლის მიწურულს, შევაჯამოთ თუ როგორი გამოწვევების წინაშე დადგა ზოგადად HR სფერო? 

ვერ ვიტყვით რომ HR სფერო განსაკუთრებული გამოწვევების წინაშე დადგა, უფრო ესე ვიტყოდით, რომ ყველასთვის მნიშვნელოვანი გამოწვევა იყო 2020 წელი. ბუნებრივია HR-ებისთვისაც, კომპანიებში მათი როლიდან გამომდინარე, შეიძლება ითქვას, რომ ერთერთი რთული პერიოდი იყო, რადგან როგორც მოგეხსენებათ HR-ის მნიშვნელოვანი როლი არის გუნდის შეკვრა, ზოგადად გუნდური მუშაობის მხარდაჭერა. ამ მიმართულებით გამოვლინდა სირთულეები - დისტანციურად ადამიანური რესურსის მართვა სიახლე იყო ბიზნესებისთვის. ის გარემოება, რომ არ ვიცოდით რასთან გვქონდა საქმე, რა ვადით და რამდენად დიდ საშიშროებას წარმოადგენდა არსებული ვირუსი, ცოტა  დაბნეულობას და გაურკვევლობას იწვევდა. სფეროს მნიშვნელოვნად შეეხო რეგულაციების ნაწილი, ბევრი კომპანია თანამშრომლების შემცირების აუცილებლობის წინაშე დადგა, რაც განსაკუთრებულად მძიმე იყო.


ACT: თქვენ როგორც outsource კომპანია, რა სირთულეების წინაშე დადექით და როგორ გაუმკლავდით მას?

დაგვეხმარა ის, რომ ამ პერიოდში უფრო მეტი მობილიზება მოვახდინეთ. ჩატარებული სამუშაოების გაანალიზების შედეგად, შემიძლია ვთქვა, რომ შევეცადეთ, ჩვენი რესურსები პოტენციური კლიენტების დასახმარებლად გამოგვეყენებინა და ამან რა თქმა უნდა გაზარდა ჩვენი სამუშაოს მოცულობა; ბევრი ახალი სფერო გავიცანით ამ პროცესში, თავისთავად პროცესებიც ბევრად განსხვავებული და ამდენად ძალიან საინტერესო იყო. სირთულეები იყო, მაგრამ ამ სირთულეებმა გაგვაძლიერა და რაღაცნაირად ჩვენი სამუშაო ბევრად უფრო ნაყოფიერი, ცოცხალი და აქტიური გახადა და შეგვიძლია ეს პოზიტიურ ჭრილშიც განვიხილოთ.


ACT: ფიქრობთ თუ არა, რომ პანდემიის გამო მიღებული ზიანის გამოსწორება Hr სფეროში შესაძლებელია თუ არა და რა გზებით?

სამწუხაროდ ძალიან ბევრი ადამიანი დარჩა უმუშევარი და ამ მხრივ მდგომარეობის გამოსწორებას არამარტო HR-ული, არამედ კომპლექსური მიდგომები სჭირდება, ზოგადად ბიზნესისა და ეკონომიკური განვითარების კუთხით. მაგრამ მარტო ზიანზე ვერ ვისაუბრებთ, ძალიან ბევრი პოზიტიურიც მოხდა ამ პერიოდში. მაგალითად ის, რომ ბევრმა სასწავლო ცენტრმა ხელმისაწვდომი გახადა საკმაოდ ძვირადღირებული ტრენინგები და მასტერკლასები. ამით ბევრი ადამიანისთვის ხელმისაწვდომი გახადა ესწავლა ის, რაც მანამდე უნდოდა და შეიძლება დროის ან ფინანსების უქონლობის გამო ვერ ახერხებდა. ახლა ეს ხელმისაწვდომი გახდა და  ბევრმა კვალიფიკაცია აიმაღლა, რაც თავისთავად ძალიან კარგია შრომის ბაზარზე. თუმცა ის ფაქტი, რომ  დიდი რაოდენობა ადამიანებისა დარჩა უმუშევარი, თავისთავად მნიშვნელოვნად ართულებს შრომის ბაზარს და ალბათ კიდევ ძალიან ბევრი  დრო დასჭირდება, რომ ეს სიტუაცია გამოსწორდეს. ბუნებრივია HR-ებისთვის ეს  საკმაოდ რთული პერიოდი იყო და რთულად გადასატანი იყო, ძალიან რთულია როცა რესურსების მობილიზებას აკეთებ და მერე შენი რესურსები გეკარგება გარემო პირობების გამო. ვინც დარჩა უმუშევარი, იმისთვის ეს განსაკუთრებით  მტკივნეულია, თუმცა კომპანიებისთვისაც საკმაოდ რთული იყო და მე არ მეგულება დამსაქმებელი, რომელიც რომ ამ პროცესით მოგებული დარჩა, პირიქით ბიზნესებისთვის საკმაოდ მძიმე იყო ამ გადაწყვეტილებების მიღება, რომ მათი თანამშრომლები სახლში უნდა გაეშვათ. იმედი მაქვს რომ ეს პროცესი  აღარ გაგრძელდება, მალე დასრულდება და შემდეგი წელი იქნება განვითარების წელი.


ACT: თქვენს მომსახურებაზე, რომელ სერვისზე/სერვისებზე გაიზარდა განსაკუთრებით მოთხოვნა პანდემიის პირობებში?

თუ შევადარებთ წინა წელს მაგალითად, როცა პანდემია არ გვქონდა უფრო გაიზარდა კონსალტინგური პროექტები და ბევრ კომპანიაში მოგვიწია სისტემური და პროცედურული ცვლილებების გაკეთება. ზოგან ეს მტკივნეული იყო, ზოგან ნაკლებად. ბუნებრივია  ცვლილებები აღქმის დონეზე გარკვეულ სირთულეებთან არის ხოლმე დაკავშირებული, მაგრამ საბოლოო ჯამში, პროცესების სწორად დაგეგმვა და ოპტიმიზაცია ბევრ კომპანიას, დაეხმარა, რომ მინიმალური დანახარჯებით ემუშავათ პანდემიის პირობებში და ფაქტობრივად, თავი გადაერჩინათ. ამ მხრივ ვთვლით, რომ წარმატებული პროექტები განვახორციელეთ და ამით ძალიან ვამაყობთ. ასევე მაღალი მოთხოვნა იყო ჰედჰანთინგზეც მიუხედავად იმისა, რომ თითქოს ძირითადად შემცირებები იყო კომპანიებში,  მოთხოვნა მაინც არის კვალიფიციურ კადრებზე. მენეჯერულ პოზიციებზე, პროგრამისტებზე და ტექნიკურ პოზიციებზე ბაზარზე ისევ საკმაოდ დიდი მოთხოვნაა და ეს ძალიან გვახარებს, ეს ნიშნავს, რომ ისევ ვვითარდებით და ეს ძალიან კარგია. ასევე დიდი მოთხოვნა იყო HR პროგრამულ უზრუნველყოფაზე, რადგან დისტანციური მართვის პირობებში ავტომატიზაციის პროექტები ძალიან მნიშვნელოვანი გახდა კომპანიებისთვის.

ACT: თქვენი აზრით, რა გავლენას მოახდენს ამ კუთხით 2020 წელს გამოვლენილი პრობლემები სამომავლოდ?

ჩვენ სხვანაირად ვუყურებთ რეალურად ამ საკითხს და პრობლემას არ ვუწოდებთ, ბოლო პერიოდში, ამაზე ვიმსჯელეთ კომპანიის შიგნითაც და ვფიქრობთ, რომ 2020 წელი ყველასთვის დიდი გამოწვევა იყო, რამაც სინამდვილეში კი არ შეცვალა რამე, უბრალოდ დააჩქარა ის, რაც უნდა მომხდარიყო, ვგულისხმობ დიჯიტალიზაციას და მართვის დისტანციურ სისტემებს, ეს არის რეალურად ბიზნესის მომავალი. ბიზნესის მომავალი ავტომატიზაციის პროექტებია, ალბათ ამას წლები დასჭირდებოდა რომ კომპანიები გადასულიყვნენ ონლაინ სისტემებზე და ვფიქრობთ, პანდემიამ ფორსმაჟორულ სიტუაციაში ჩააყენა ბიზნესები და მათ მოუწიათ იძულების წესით, სასწრაფოდ გამოსავალი მოეძებნათ და ბევრმა ონლაინ სივრცეში გადაინაცვლა. მართალია  დღეს ეს რთულად გვეჩვენება, მაგრამ ბიზნესებისთვის სამომავლოდ ძალიან კარგია და ეს ცალსახად  წინ გადადგმული ნაბიჯია.


ACT: როგორ ფიქრობთ, რომელი პროფესიების და უნარების საჭიროება გაჩნდება მომავალში?

ჩვენ ვვარაუდობთ და კვლევებიც ადასტურებენ, რომ ტექნოლოგიების მიმართულებით და ზუსტ მეცნიერებებზე მოთხოვნა გაიზრდება. ამავდროულად, ძალიან საინტერესოა, რომ  ძირითადი აქცენტი მულტიფუნქციურ და ადვილად ადაპტირებად ადამიანებზე იქნება. სამომავლოდაც ვფიქრობთ, რომ ბაზარზე ესეთი ადამიანები დაიმკვიდრებენ ადგილს და გამოცდილება გვიჩვენებს, რომ ერთი პროფესია უკვე საკმარისი აღარ არის. აქამდე,  ადამიანი ერთ პროფესიას რომ ირჩევდა და მთელი ცხოვრება ამ პროფესიას მიყვებოდა, ჩვეულებრივი ამბავი იყო. დღეს ეს რეალობა უკვე შეიცვალა და ადამიანები ცდილობენ, რაც შეიძლება მეტი პროფესია შეიძინონ, დამატებით მეტი რამე ისწავლონ. ამის ხელშემწყობი ფაქტორი სწავლის ხელმისაწვდომობაც არის,  თუმცა, ნებისმიერ შემთხვევაში, სამომავლოდ,  სწორედ ასეთ მულტიფუნქციურ და მარტივად ადაპტირებად ადამიანებზე იქნება აქცენტი და ამ მხრივ დასაქმებულების დამოკიდებულებაც შეიცვლება.


ACT: რას ურჩევდით კომპანიებს, რა არის მნიშვნელოვანი დისტანციური მუშაობის დროს?

მე ვფიქრობ რომ ყველანაირი ტიპის მართვის დროს ძალიან დიდი მნიშვნელობა აქვს კომუნიკაციას. არ აქვს მნიშვნელობა ეს დისტანციური იქნება თუ ფიზიკური. დისტანციურმა მუშაობამ კომუნიკაციის ნაწილი განსაკუთრებულად სენსიტიური გახადა. დისტანციური მუშაობის დროს, გუნდური მუშაობის მხარდაჭერა და ინფორმაციის ხელმისაწვდომობა კიდევ უფრო დიდი გამოწვევა გახადა. ამ მხრივ განსაკუთრებული ძალისხმევაა საჭირო კომპანიებში, რეალურად გუნდების დისტანციურ მართვაში კომუნიკაცია, დაგეგმვა და დროული უკუკავშირი -  არის 3 ძირითადი ასპექტი, რომელიც ერთი მხრივ დასაქმებულებს უქმნის გარკვეულ კომფორტს, იმიტომ რომ მათთვის ცხადი ხდება მოლოდინები და მეორე მხრივ, დამსაქმებლისთვის არის უფრო მიღწევადი შედეგები ამ ტიპის მართვის დროს და შესაბამისად, ეს სამი კომპონენტი იქნებოდა ალბათ ის სამი რაღაც, რასაც მენეჯერებმა განსაკუთრებული ყურადღება უნდა მივაქციოთ.


ჩვენ One Point-ში ძალიან ვცდილობთ რომ ეს სტილი შევინარჩუნოთ და სისტემატიურად გვქონდეს ერთმანეთთან კომუნიკაცია მიუხედავად იმისა, რომ დისტანციურად ვმუშაობთ, სრულად 100%- ით. გვიწევს რა თქმა უნდა კლიენტ კომპანიებთან ფიზიკურადაც კომუნიკაცია და შეხვედრებზე სიარული, თუმცა ვან ფოინთის გუნდი დისტანციურად ვმუშაობთ.
ძალიან გვეხმარება ის რომ ჩვენ გვაქვს სისტემატიური, სტაბილური კავშირი ერთმანეთთან და ვუზიარებთ ყველანაირ სიახლეს თუ პრობლემას ერთმანეთს. ეს ერთობლივი მუშაობის სტილი ძალიან ნაყოფიერია.


დიდი კომპანიებისთვის ძალიან რთულია ამის გაკეთება, დიდ კომპანიაში ყოველდღე ყველა თანამშრომელთან შეხვედრა ვერ გექნება, მაგრამ მნიშვნელოვანია რომ სტრუქტურული ერთეულის შიგნით მოხდეს ეს კომუნიკაცია და მოხდეს ყოველდღიური შეხვედრები, თუნდაც ორ დღეში ერთხელ, მაგრამ თანამშრომელს  ჰქონდეს  განცდა,  რომ ის ჩართულია ამ პროცესში და არავის არ დავიწყებია. გვქონია შემთხვევა, რომ რამდენჯერმე მოგვმართეს რჩევისთვის თანამშრომლის ცუდი შედეგების გამოსწორების მიზნით, თუმცა, რომ ჩავეძიეთ, აღმოჩნდა, რომ პანდემიის პერიოდი რაც  დაიწყო, თანამშრომელთან კომუნიკაცია ხელმძღვანელს მხოლოდ მეილებით და ისიც ძალიან შეზღუდული რაოდენობით ქონდა. ბუნებრივია, ეს დასაქმებულის შედეგებზეც აისახებოდა. ამ დროს,  თანამშრომელსაც უჭირს, რომ თავის თავი აღიქვას კომპანიის ნაწილად, სწორად დაგეგმოს და გაიაზროს ყველა საჭიროება, ამიტომ ეს კომუნიკაცია არის ძალიან მნიშვნელოვანი ნაწილი საუკეთესო შედეგების მიღწევის პროცესში.


ნინო ნიაური

HR აუთსორსინგული კომპანია ONE POINT-ის დამფუძნებელი და პარტნიორი

25.12.2020
close