Geo
Geo
ეისითი "საქართველოს პრო ბონო ქსელის" წევრია, რომელიც წარმოადგენს საქართველოში მოქმედი იმ ადგილობრივი და საერთაშორისო კომპანიების არაფორმალურ გაერთიანებას, რომელთაც სურთ საკუთარი ექსპერტიზისა და პროფესიული რესურსების გამოყენება საზოგადოების სასიკეთოდ.
კომპანიის თანამშრომლები სხვადასხვა კომპეტენციის ფარგლებში პრო ბონო ქსელის ბენეფიციარ საზოგადოებრივ ორგანიზაციებს უწევენ მხარდაჭერას.
| 11 მაისს, ეისითის ადამიანებისა და ორგანიზაციის გუნდის ლიდმა თეა შამათავამ სამუშაოს მოძიების უნარებთან დაკავშირებით პრო ბონო ვორქშოფი ჩაატარა. მსმენელებმა მიიღეს ინფორმაცია წარმატებული გასაუბრების ტექნიკების შესახებ. ასევე, შეხვედრის დროს გაიარეს გასაუბრების სიმულაცია, რაც დაეხმარებათ მათ მომავალში გასაუბრების ეტაპის წარმატებით გავლაში.
|
|
 |
|
|
|
|
| მაისის თვეში ეისითის სტრატეგიული კომუნიკაციების მენეჯერმა ნინო კალანდიამ პრო ბონო კონსულტაცია გაწია ანალიტიკური ცენტრისთვის „მსოფლიო გამოცდილება საქართველოსთვის“ (WEG). WEG არამომგებიანი ორგანიზაციაა, რომელიც 2006 წლიდან მუშაობს ენერგეტიკისა და გარემოს დაცვის საკითხებზე საქართველოში. WEG-ის მიზანია ენერგეტიკული უსაფრთხოების, ეკონომიკური მდგრადობის და დემოკრატიული განვითარების გაძლიერება საქართველოში ქვეყნის ევროპულ და ევროატლანტიკურ სტრუქტურებში ინტეგრაციის ხელშეწყობის გზით.
|
|
 |
|
|
|
|
| ანალიტიკურმა ცენტრმა ახალი კვლევა „რუსეთ-უკრაინის ომის გავლენა საქართველოს ენერგეტიკულ უსაფრთხოებაზე მოკლევადიან პერსპექტივაში“ გამოაქვეყნა. პრო ბონო კონსულტაციის ფარგლებში სწორედ აღნიშნული კვლევის ანგარიშის საკომუნიკაციო კამპანია დაიგეგმა. ნინო კალანდიამ კვლევის ავტორებთან კვლევის ეფექტურად წარდგენისთვის საკონსულტაციო შეხვედრები გამართა და კვლევის საკომუნიკაციო კამპანიის დოკუმენტი შექმნა. | ||
ეისითიმ მორიგი მასშტაბური პროექტი გააფორმა. ეკონომიკური თანამშრომლობისა და განვითარების ორგანიზაციის (OECD) დაკვეთით კომპანია მიკრო, მცირე და საშუალო ზომის საწარმოების ფინანსური წიგნიერების დონეს აღმოსავლეთ ევროპის, ბალკანეთის, ახლო აღმოსავლეთის, კავკასიის და ცენტრალური აზიის 15 ქვეყანაში შეისწავლის. აღნიშნული პროექტის ფარგლებში ეისითის საერთაშორისო პორტფელს ეგვიპტე ემატება.
OECD და მისი ფინანსური განათლების საერთაშორისო ქსელი (OECD/INFE) ხელს უწყობს ქვეყნებში ეფექტური ფინანსური განათლების ინიციატივების შემუშავებას, ცოდნის გაზიარებას და საერთაშორისო პრაქტიკის დამკვიდრებას.
ACT კვლევის მიზანია შეაფასოს MSME-ების და პოტენციური მეწარმეების ფინანსური განათლების დონე სხვადასხვა ქვეყანაში. შეფასება ფინანსური წიგნიერების ძირითადი კომპეტენციების საერთაშორისო ჩარჩოზე დაყრდნობით განხორციელდება.
მიღებული შედეგი ხელს შეუწყობს ფინანსური განათლების დონის ანალიზს შესაბამის ქვეყნებში, რათა მოხდეს ფინანსური წიგნიერების, მომხმარებელთა დაცვის და მოქალაქეთა ფინანსური კეთილდღეობის გაუმჯობესება. კვლევის შედეგები გამოყენებული იქნება ფინანსური განათლების ეროვნული სტრატეგიების შექმნისა და შესაბამისი ინიციატივების განხორციელების პროცესში.
კვლევისა და მენეჯმენტ საკონსულტაციო კომპანია ეისითი ქართულ ბიზნეს კომპანიებს პოსტ-კრიზისულ პერიოდში შექმნილ გამოწვევებთან გამკლავებისთვის უნიკალურ პროდუქტს სთავაზობს. LEADERSHIP SCANNER® მენეჯმენტისთვის განკუთვნილი ინსტრუმენტია და ეფექტურობის გაზრდას ემსახურება.
თანამედროვე გამოწვევების პასუხად, მთელს მსოფლიოში კომპანიებმა მეტი ყურადღება დაუთმეს ორგანიზაციის შიგნით არსებულ კლიმატს და მათი მთავარი საყრდენი კაპიტალის - ადამიანების აღმოჩენას და განვითარებას.
პოსტ კრიზისულ პერიოდში კომპანიების წარმატების შეფასების მნიშვნელოვან კრიტერიუმად იქცა ის, თუ როგორ შეძლო მან კრიზისის დაძლევა და იყვნენ თუ არა ამ პროცესში კომპანიის თანამშრომლები ერთიანი და ჩართულნი. ყველა წარმატებული კომპანია დღეს უკვე თავის გამოცდილებას აზიარებს, კრიზისის ანალიზის პროცესში კი, კომპანიის შიგნით უხილავი პროცესების ხილული სურათის შექმნაზე ზრუნავს.
კვლევისა და მენეჯმენტ საკონსულტაციო კომპანია ეისითი წარმოგიდგენთ LEADERSHIP SCANNER®-ს, ადამიანური კაპიტალის სწორად მართვისა და ახალი ტალანტების აღმოჩენის უნიკალურ ინსტრუმენტს! სკანერით მიღებული შედეგები ზრდის მენეჯმენტის ეფექტურობას, რადგანაც ამარტივებს საჭირო და დასაბუთებული გადაწყვეტილების მიღებას, ზუსტად განსაზღვრავს მყისიერი რეაგირებისთვის სამოქმედო წერტილებს ორგანიზაციული განვითარების მიმართულებით:
აღნიშნული პროდუქტის გამოყენებით ორგანიზაციას ეძლევა შესაძლებლობა გააუმჯობესოს კლიმატი კომპანიაში და აღმოაჩინოს ახალი შესაძლებლობები:
ხშირად კომპანიების სტრუქტურული მოწყობა არ ემთხვევა კომპანიის შიგნით არსებულ სოციალურ წყობას. არსებობენ ადამიანები, ვისაც მიუხედავად დაკავებული პოზიციისა, აქვს უფრო დიდი სოციალური კაპიტალი, ვიდრე სხვას, კომპანიაში შექმნილი სოციალური ქსელი შესაძლოა ახდენდეს დადებით ან უარყოფით გავლენას თანამშრომლების ერთიანობასა და სულისკვეთებაზე, შესაძლოა კომპანიის მენეჯმენტს ჰქონდეს განსხვავებული მოსაზრება იმაზე, თუ ვინ არიან კომპანიაში აზრისა და კომპეტენციის ლიდერები, ხოლო რეალური სურათი იყოს ბუნდოვანი, გამოკვეთილი კონტურების გარეშე.
სწორედ ამიტომ ინსტრუმენტი განსაკუთრებით ეფექტურია კომპანიისთვის გარდამტეხ სიტუაციებში: ახალი ტოპ მენეჯმენტის მოსვლისას, ტრანსფორმაციის დროს, სწრაფი ცვლილების და მართვის ეფექტიანობის გაზრდისას, LEADERSHIP SCANNER®-ის გამოყენება მენეჯმენტს მისცემს ნათელ ხედვას თუ როგორია სინამდვილეში კომპანიის რეალური შიდა ანატომია, სოციალური იერარქია და ვინ არიან ამ იერარქიის საყრდენი წერტილები.
ორგანიზაცია ცოცხალი და დინამიური ორგანიზმია, ცვლილებები ორგანიზაციაში მუდმივი და გარდაუვალია, სწორედ ამიტომ ორგანიზაციის შიგნით პულსზე ხელის დადება ნიშნავს სწორად მართო ბიზნეს პროცესები კომპანიის გარეთ. კვლევისა და მენეჯმენტის საკონსულტაციო კომპანია ეისითი ფლობს 20 წლიან გამოცდილებას და ბიზნეს გარემოს ცოდნას, გააჩნია მოწინავე ინდუსტრიების ტენდენციების ხედვა, ამიტომაც ზუსტად იცის თუ რა საჭიროება აქვს დღეს ბიზნესს და მის მმართველებს. აღნიშნულის გათვალისწინებით ეისითი ქართულ და საერთაშორისო ბაზარზე მოქმედ კომპანიებს მენეჯმენტის საკონსულტაციო უნიკალურ და ეფექტურ პროდუქტებს სთავაზობს. ლიდერშიფ სკანერი სწორედ ასეთი პროდუქტია, რომლის გამოყენებით მენეჯმენტს აქვს საშუალება იყოს მეტად ინფორმირებული, ჰქონდეს სწორი ხედვა, შეინარჩუნოს რეალურობის აღქმა, განსაზღვროს ფარული რისკები და შეაფასოს გუნდის პოტენციალი.
LEADERSHIP SCANNER®-ის შედეგები არ არის სტატიკური და რეგულარულ განახლებას მოითხოვს. ჩვენი გამოცდილებით LEADERSHIP SCANNER®-ის შედეგები ვალიდური და აქტუალური 12 თვის განმავლობაში რჩება, რის გამოც რეკომენდირებულია მისი წელიწადში ერთხელ ჩატარება. ჩვენი რწმენით ყველა კომპანია ინდივიდუალური და უნიკალურია, შესაბამისად, მათი პასუხი გამოწვევებზე შესაძლოა იყოს სხვადასხვა, თუმცა სიტუაციის ობიექტური შეფასება თითოეულისთვის მნიშვნელოვანი და მათი განსხვავებული სტრატეგიებისთვის აუცილებელი წინაპირობაა, ეისითი გთავაზობთ მიიღოთ თქვენს საჭიროებებზე მორგებული შემოთავაზება და უნიკალური ინსტრუმენტის შესაძლებლობები თავად გამოსცადოთ.
|
28 აპრილს, SOLO Talks-ის შეხვედრაზე, ეისითის დამფუძნებელმა და ხედვის ლიდმა თინათინ რუხაძემ ეისითის ორგანიზაციული ტრანსფორმაციის მოდელი THE POWER OF THREE® წარადგინა.
თანამედროვე რეალობაში მხოლოდ ის ორგანიზაცია გადარჩება და გაიზრდება, რომელიც განვითარებას მუდმივი ტრანსფორმაციის პროცესად განიხილავს.
თინათინმა დამსწრე საზოგადოებას წარუდგინა ორგანიზაციის განვითარების შეფერხების სიმპტომები, რომელიც ტრანსფორმაციის საჭიროების უტყუარი ნიშანია: |
|
 |
|
|
|
|
აღსანიშნავია, რომ ACT-ის შემუშავებული აქვს ორგანიზაციისა და ბიზნესის ტრანსფორმაციის უნიკალური მოდელი − THE POWER OF THREE® (PWR3®), რომელიც ორგანიზაციებს საჭირო ბიძგსა და მხარდაჭერას აძლევს განვითარების შემდეგ ეტაპზე გადასასვლელად. |
|
 |
|
|
|
|
|
"ამ მოდელში გაერთიანებულია ჩვენი რწმენები, მსოფლმხედველობა, კომპეტენცია და რაც მთავარია, ქართულ და უცხოურ ორგანიზაციებთან და მათ ლიდერებთან წარმატებული თანამშრომლობის 20 წლიანი გამოცდილება", - აღნიშნა ბიზნეს კომპანიის წარმომადგენლებთან პრეზენტაციისას ეისითის ტრანსფორმაციის და განვითარების მოდელის ავტორმა თინათინ რუხაძემ. შეხვედრა ინტერაქციულ რეჟიმში ჩატარდა და მას სხვადასხვა კომპანიის 100-მდე წარმომადგენელი დაესწრო. |
|
|
