Geo
Geo
მსოფლიო ბანკმა წარმოადგინა ბიზნესის მზაობის ანგარიში (B-READY), რომელიც აფასებს ბიზნეს და საინვესტიციო კლიმატს მსოფლიოს მასშტაბით.
სიამაყით გიზიარებთ, რომ ეისითი ამ გლობალური ინიციატივის მონაწილეა და სწორედ ჩვენს მონაცემებს დაეყრდობა მსოფლიო ბანკი 7 ქვეყნის შეფასებისას. მათ შორის, მიმდინარე ანგარიშში წარმოდგენილი 50 ქვეყნიდან ორში სწორედ ჩვენი საერთაშორისო გუნდი მუშაობდა.
B-READY მნიშვნელოვანი საინფორმაციო წყარო იქნება ზოგადად კერძო სექტორის და მათ შორის, სამუშაო ძალის, მომხმარებლების, გარემოსდაცვითი და ბაზრის განვითარების შეფასებისათვის.
განსაკუთრებული აღნიშვნას იმსახურებს ჩვენი განვითარების კონსალტინგისა და საერთაშორისო პროექტების გუნდის ძალისხმევა, რომელმაც მნიშვნელოვანი წვლილი შეიტანა ამ გლობალურ ინიციატივაში.
B-READY-ს ეს ანგარიში ნაწილია იმ ციკლისა, რომელიც გაოგრაფიულად გაფართოვდება და ჩართულ ეკონომიკებს დაეხმარება პოლიტიკის დაგეგმვის და რეფორმების ადვოკატირების პროცესში.
ანგარიში იხილეთ ბმულზე:
https://shorturl.at/Uokzb
21 სექტემბერს აჭარაში მასშტაბური ღონისძიება "HR Connect | Adjara Edition" გაიმართა, სადაც სპიკერები იყვნენ ეისითის მმართველი პარტნიორი და მენეჯმენტ კონსულტანტი, თინათინ რუხაძე და HRPA-ს პრეზიდენტი, სერგო ნოზაძე, რომლებმაც ორგანიზაციის გამოწვევებსა და შესაძლებლობებზე ისაუბრეს, როგორც HR-ების, ისე კომპანიის მმართველების პერსპექტივიდან.
| კონგრესის სპიკერები ასევე იყვნენ კომპანია Cenomi Retail Georgia-ს ადამიანური კაპიტალის დეპარტამენტის უფროსი - ნატო კვაჭანტირაძე, რომელიც უძღვებოდა დისკუსიას „ახალი თაობა და რეგიონული რეალობა“ და Self.HR-ს წარმომადგენელი მარიამ სახოკია რომელმაც ისაუბრა თემაზე: HR პროცესების ავტომატიზაცია და მისი ეფექტი ბიზნესის განვითარების გზაზე.
|
|
 |
ღონისძიებას HR პროფესიონალები, აღმასრულებელი დირექტორები და საჯარო სექტორის წარმომადგენლები მთელი საქართველოდან ესწრებოდნენ
საქართველოს ინოვაციების და ტექნოლოგიების სააგენტო (GITA) -ს ციფრული ტრანსფორმაციის პროექტის ფარგლებში საგრანტო კონკურსში გაიმარჯვა ეისითიმ, პროექტით: „ტრანსკიპტების ავტომატიზაცია ხელოვნური ინტელექტის საშუალებით“ და მიიღო საგრანტო თანხა 25 000 ლარი.
ციფრული ტრანსფორმაციის პროექტის ფარგლებში საგრანტო პროგრამის პირველი ეტაპის გამარჯვებულები არიან ასევე:
პროექტი ხორციელდება 2022 წლის 12 დეკემბერს გერმანიის ფედერაციული რესპუბლიკის მთავრობასა და საქართველოს მთავრობას შორის გაფორმებული ხელშეკრულებით გათვალისწინებული შეთანხმების საფუძველზე.
GITA-ს ინიციატივას მხარს უჭერს პროექტი „მცირე და საშუალო საწარმოების ციფრული ტრანსფორმაცია აღმოსავლეთ პარტნიორობის ქვეყნებში“ (DT4SME), რომელიც მიმდინარეობს გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაფინანსებით და მას გერმანიის საერთაშორისო თანამშრომლობის საზოგადოება (GIZ) ახორციელებს.
27 ივნისს ეისითიმ უმასპინძლა ღონისძიებას „HR Insights: ორგანიზაციული განვითარების ახალი ჰორიზონტები“, სადაც წარმოვადგინეთ ეისითის გუნდის მიერ შექმნილი ინოვაციური კვლევითი პროდუქტები ადამიანური კაპიტალის მართვისა და ორგანიზაციული განვითარების მიმართულებით.
|
ღონისძიებას ესწრებოდნენ ქართულ ბაზარზე წამყვანი HR და OD პროფესიონალები. ღონისძიების ფარგლებში მათ საშუალება ჰქონდათ გაცნობოდნენ ეისითის გუნდის მიერ შექმნილ 4 ანალიტიკურ მოდელს, რომელიც ადგილობრივ და საერთაშორისო ბაზრებზე ეისითის მრავალწლიან კვლევით-საკონსულტაციო პრაქტიკას ეფუძნება და ქართული ორგანიზაციებისთვის აქტუალურ გამოწვევებს ეხმიანება:
|
|
 |
 |
|
„საერთაშორისო კვლევითი ინდუსტრია საკმაოდ დინამიურია, მუდმივ ციფრულ და ინოვაციურ გადაწყვეტებს სთავაზობს მომხმარებელს. ძალიან მნიშვნელოვანია, რომ საქართველოშიც მოხდეს ამ ტენდენციისთვის ფეხის აწყობა. შესაბამისად, ტექნოლოგიური განვითარება და ციფრული პროდუქტები ჩვენი გუნდის ამჟამინდელ პრიორიტეტს წარმოადგენს. ეისითის გუნდმა შეიმუშავა ინოვაციური და ძალიან საინტერესო პროდუქტები, რომლებიც განკუთვნილია ადამიანური რესურსების მართვის სპეციალისტებისთვის. ჩვენი ღრმა რწმენით, ამ პროდუქტებს შეუძლია ერთი მხრივ გააძლიეროს ამ სფეროში მომუშავე სპეციალისტები ინფორმაციითა და ინსაიტებით, მეორე მხრივ კი, წვლილი შეიტანოს ზოგადად კვლევითი ინდუსტრიის განვითარებაში.“ - ნინო ქერქაძე, ACT კვლევის პორტფოლიო ლიდი
|
ღონისძიება მიზნად ისახავდა დამსწრე პროფესიონალებს:
