"შესაძლებლობები შეუზღუდავია, მთავარია მხარი დავუჭროთ ერთმანეთს საუკეთესოდ მოვახდინოთ საკუთარი უნარების რეალიზაცია"
სოფო ჩაჩანიძე ეისითის პარტნიორია და კომპანიაში განვითარების კონსალტინგის მიმართულებას ხელმძღვანელობს. სოფო თბილისის სახელმწიფო უნივერსიტეტის სოციოლოგიის მაგისტრია და აქვს აკადემიური ცოდნა კვლევის, მონიტორინგისა და შეფასების, პოლიტიკის ანალიზის და პროექტის მენეჯმენტის მიმართულებით. ის 15 წელზე მეტია მართავს განვითარების პროექტებს კავკასიის რეგიონში, აღმოსავლეთის პარტნიორობის ქვეყნებში, აღმოსავლეთ ევროპასა და ცენტრალურ აზიაში.
სხვადასხვა დროს სოფო ხელმძღავნელობდა კომპლექსურ და მასშტაბურ საკონსულტაციო პროექტებს საერთაშორისო განვითარების სააგენტოებისთვის. მრავალმხრივი სექტორული და პროექტების მართვის გამოცდილების წყალობით, სოფოს წვლილი შეაქვს განვითარების პროექტების წარმატებაში, ეხმარება პარტნიორებს მიიღონ მტკიცებულებებზე დაფუძნეული გადაწყვეტილებები და მიაღწიონ დასახულ მიზნება.