ყოველწლიურად ოქტომბრის პირველ შაბათ-კვირას დედაქალაქი აღნიშნავს თბილისობის დღესასწაულს. ,,ეისითის" მიერ ჩატარებული მოსახლეობის აზრის კვლევის შედეგებით, ქალაქ თბილისის მცხოვრებლების 88.4%-ს მიაჩნია, რომ თბილისობის დღესასწაული მნიშვნელოვანი ღონისძიებაა დედაქალაქისათვის, 6.8% კი მიიჩნევს, რომ დღესასწაული არაა მნიშვნელოვანი,ხოლო 2.9%-ს არ აქვს მკაფიო პოზიცია საკითხთან დაკავშირებით.

,,ეისითი" დაინტერესდა როგორი იყო მოსახლეობის აქტივობა წელს თბილისობის დღესასწაულის ფარგლებში დაგეგმილ ღონისძიებებზე. გამოკითხული რესპონდენტების მხოლოდ 23% დაესწრო ღონისძიებებს, ყველაზე მაღალი დასწრებადობით ხასიათდებოდა: კონცერტები (44%), გამოფენები (19%), სასოფლო-სამეურნეო ბაზრობა (16%), საბავშვო გასართობი აქტივობები (9.4%), თეატრალური წარმოდგენები (6.5%) და ფესტივალები (5.4%).

ზოგადი ტენდენციების მიხედვით, გამოკითხული მოსახლეობის 22.1% ყოველწლიურად, 24 % საერთოდ არა, ხოლო 53.5% სხვადასხვა სიხშირით ესწრება თბილისობის ფარგლებში გამართულ ღონისძიებებს.