Geo
Geo
1-ელ და 2 ივნისს თბილისში ღონისძიება Spotlight Tech 2024 ჩატარდა. ორი დღის განმავლობაში ვიზიტორებმა საინტერესო სპიკერებისგან თემატური სფიჩები მოისმინეს და ახალი ინსპირაციებით დაიმუხტნენ. გარდა ინსპირაციული გამოსვლებისა, Spotlight Tech სამ დამატებით სცენას მასპინძლობდა: მასტერკლასებს, How I Built This-ს და Career Insights-ს. თითოეული მათგანის ფოკუსი წარმატებულ ქეისებზე, კარიერულ რჩევებსა და განვითარებაზე იყო.
ღონისძიების მთავარი თემა „გაკვეთილებს” მიეძღვნა და გადავწყვიტეთ ACT-ის ციფრული ტრანსფორმაციის საკუთარი გაკვეთილი გაგვეზიარებინა და ამ გზაზე არსებულ გამოწვევებსა და ამ გამოწვევების შესაძლებლობად გარდაქმნაზე მოგვეყოლა.
ACT-ის მენეჯმენტ კონსულტანტმა, საბა ხერგიანმა ჩვენს მიერ შექმნილი უნიკალური მეთოდოლოგია ორგანიზაციის ციფრული მზაობის დიაგნოსტიკა DIGITAL WHEEL© წარადგინა, რომელიც ემსახურება გზამკვლევის შექმნას, იმ ორგანიზაციებისთვის, რომლებიც ცდილობენ თავიანთი ციფრული შესაძლებლობების შეფასებას და გაძლიერებას. მოდელის მიზანია, ციფრული მზაობის ამჟამინდელი მდგომარეობის ანალიზი, გაუმჯობესების სფეროების იდენტიფიცირება და მდგრადი ციფრული ტრანსფორმაციისთვის სტრატეგიული გადაწყვეტილებების მხარდაჭერა.
ACT-ის მისია დამკვეთებისთვის სასიკეთო ცვლილებების ძალის – ცოდნის, იდეებისა და ინსპირაციის – მიცემაა. ეს მისია ზუსტად ეხმიანება Spotlight Tech-ის მიზანს – შექმნას ძლიერი ეკოსისტემა მარკეტინგისა და ტექნოლოგიისთვის, ასევე ემთხვევა, ცოდნის გაზიარების მეშვეობით, პროგრესის წარმართვის ჩვენეულ ხედვას. ამ ღონისძიების მხარდაჭერით, ჩვენი სურვილია ხელი შევუწყოთ გარემოს, სადაც ინოვაციები და თანამშრომლობა ვითარდება, რაც დაინტერესებულ მხარეებს შესაძლებლობას აძლევს განახორციელონ ტრანსფორმაციული ცვლილებები თავიანთ სფეროებში.
2013 წლიდან მოყოლებული, სფოთლაითმა ჩამოაყალიბა მარკეტინგული პლატფორმა და იქცა ღონისძიებად, რომელიც აერთიანებს ინდუსტრიის პროფესიონალებს. ესაა სივრცე, რომელიც თავს უყრის ინდუსტრიის ასობით წარმომადგენელს და ერთმანეთში ცოდნისა თუ გამოცდილების გაზიარების საშუალებას აძლევს. Spotlight Tech ამ ტრადიციული ღონისძიებების სერიის გაგრძელებაა, რომელიც 2018 წელს, პირველად ჩატარდა და ტექნოლოგიებს მიეძღვნა.
პრო ბონო მარათონის მონაწილე კომპანიები იყვნენ: ACT, ჯიპიაი ჰოლდინგი; საქართველოს ბანკი; კრედო ბანკი; ემბისი; თეგეტა; რემაინდერი; Hotsale.ge და აკადემია თინარტი
პრო ბონო მარათონში მონაწილეობდნენ შემდეგი სოციალური საწარმოები: პოთერია; კახეთის სამხარეო განვითარების ცენტრი; რეაბილიტაციის ცენტრი - თანადგომა; ეთნოდიზაინი; ჩუ; ტექგოგო; ბაბალე.
"საქართველოს პრო ბონო ქსელი" წარმოადგენს საქართველოში მოქმედი იმ ადგილობრივი და საერთაშორისო კომპანიების არაფორმალურ გაერთიანებას, რომელთაც სურთ საკუთარი ექსპერტიზისა და პროფესიული რესურსების გამოყენება საზოგადოების სასიკეთოდ. "საქართველოს პრო ბონო ქსელი" ოფიციალურად დაარსდა 2015 წლის ოქტომბერში "საქართველოს სტრატეგიული კვლევებისა და განვითარების ცენტრის" ინიციატივით ფონდ MitOst e.V., ფონდ BMW Herbert Quandt-ისა და ფონდ Taproot-ის თანადგომით.
მარათონი გაიმართა CSRDG-ის მიერ, პროექტის “სამოქალაქო საზოგადოების ინიციატივა” ფარგლებში, ევროკავშირისა (EU) და კონრად ადენაუერის ფონდის (KAS) მხარდაჭერით.
20 დეკემბერს, ეისითიმ ორგანიზაციის წინაშე მენტალური ჯანმრთელობის და თანამშრომელთა ჩართულობის კუთხით არსებული გამოწვევების, მიგნებების და ტენდენციების შესახებ კვლევის შედეგები გააცნო კომპანიის HR, HC, OD მენეჯერებს და ბიზნესის წარმომადგენლებს.
კვლევა წარადგინეს ACT თანადამფუძნებელმა, ორგანიზაციის ფსიქოლოგმა და მენტალური ჯანმრთელობის კონსულტანტმა რუსუდან თელიამ და ეისითის მენეჯმენტ კონსულტანტმა, (OD, HC) თეონა კუპატაძემ.
ეისითის მიერ ორგანიზაციებში დასაქმებულთა ჩართულობის და მენტალური ჯანმრთელობის შესახებ კვლევა განხორციელდა 13 ოქტომბრიდან 7 ნოემბრის პერიოდში. კვლევა ჩატარდა ონლაინ გამოკითხვით და მასში მონაწილეობა მიიღო 587 -მა დასაქმებულმა.
14 დეკემბერს, სასტუმროში Radisson Blu Iveria, USAID-ის ადგილობრივი თვითმმართველობის პროგრამამ უმასპინძლა ეისითის მიერ ჩატარებული კვლევის პრეზენტაციას - პერსპექტივების გააზრება: მოქალაქეთა და ბიზნესის დამოკიდებულებები ადგილობრივი მმართველობისა და სერვისების მიმართ, რომელიც მიზნად ისახავს დისკუსიის ხელშეწყობას, აღქმების და დამოკიდებულებების გამოვლენას კვლევის ძირითადი მიმართულებების გარშემო, რაც მოიცავს მუნიციპალურ საჯარო სერვისებს, კერძოს სექტორის სერვისებს, ადგილობრივ მმართველობას და მოქალაქეთა მონაწილეობას.
ღონისძიების ფარგლებში, ექსპერტებმა და ცენტრალური და ადგილობრივი ხელისუფლების, სამოქალაქო საზოგადოების ორგანიზაციების, საერთაშორისო განვითარების ინსტიტუტების წარმომადგენლებმა სიღრმისეულად გაანალიზეს კვლევის შედეგები სამი პარალელური სესიის მეშვეობით - კმაყოფილება, ხელმისაწვდომობა, ხარისხი: მუნიციპალური სერვისების მიწოდების რეფორმა; დიალოგი განვითარებისთვის: თანამშრომლობის ხელშეწყობა ადგილობრივი ბიზნესის ეკოსისტემაში; და ადგილობრივი თვითმმართველობა და მოქალაქეთა მონაწილეობა მრავალფეროვანი საზოგადოების პერსპექტივიდან.
ეისითის მიერ კვლევა ჩატარდა USAID-ის ადგილობრივი თვითმმართველობის პროგრამის პარტნიორ მუნიციპალიტეტებში (ბათუმი, ჩოხატაური, ოზურგეთი, ქუთაისი, ტყიბული, ონი, ლენტეხი, მესტია, ბოლნისი, რუსთავი, მარნეული, დმანისი) მოქალაქეების და ბიზნესის აღმების გასაანალიზებლად, შემდეგი მიმართულებებით:
მეთოდოლოგია: კვლევა ჩატარდა 2023 წლის აპრილი-ივლისის პერიოდში. კვლევის ფარგლებში გამოყენებული იყო რაოდენობრივი და თვისებრივი კვლევის მეთოდები, პირისპირ ინტერვიუები, ფოკუსირებული დისკუსიები და სიღრმისეული და სატელეფონო ინტერვიუს ტექნიკები.
