Geo
Geo
კომპანია „ეისითიმ“ 2017-2018 წლის გაზაფხული-შემოდგომის სემესტრში, „ილიას სახელმწიფო უნივერსიტეტის“ სოციოლოგიისა და პიარის ფაკულტეტის ოთხ წარჩინებულ სტუდენტს დაუნიშნა სტიპენდია.
შერჩეული სტუდენტების დაჯილდოება პარასკევს, 31 მარტს, ”ლიგამუსში” გაიმართა.
„ეისითის“ მხრიდან ეს ინიციატივა კერძო კომპანიასა და სახელმწიფო უნივერსიტეტს შორის თანამშრომლობის მნიშვენლოვანი პრეცედენტია. გარდა სტიპენდიისა, თანამშრომლობის ფარგლებში დაგეგმილია სოციოლოგიისა და საზოგადოებასთან ურთიერთობის პროგრამებში სტაჟირებისა და პროფესიული უნარების განმავითარებელი კომპონენტების გაუმჯობესება, რაც უნივერსიტეტის მხრიდან კიდევ ერთი წინგადადგმული ნაბიჯი იქნება ბოლონიის პროცესითა და „ევროპის უმაღლესი განათლების ხარისხის უზრუნველყოფის სტანდარტების ჩარჩო-დოკუმენტით“ გათვალისწინებული მოთხოვნების შესასრულებლად.
ამ მნიშვნელოვანი პროექტის განხორციელება შესაძლებელი გახდა ჩვენი პარტნიორი კომპანიების დახმარებით. მადლობა თანამშრომლობისთვის! “ეისითისთვის”, როგორც საქართველოს კვლევითი ბაზრის ლიდერისთვის, ძალიან მნიშვნელოვანია დარგის პოპულარიზაცია და ამიტომ განაგრძობს განათლებაზე ზრუნვას.
ოთხშაბათს, 27 ივლისს, 10:00 საათზე, სასტუმროში „რედისონ ბლუ ივერია“, გაიმართა საზოგადოებრივი მომსახურებით საქართველოს მოქალაქეთა კმაყოფილების დონის კვლევის შედეგების წარდგენა. კვლევაში მიმოხილული იყო მოქალაქეთა დამოკიდებულება გზების, საზოგადოებრივი საბავშვო ბაღების, დასუფთავებისა და სხვა საზოგადოებრივი მომსახურების მიმართ. კვლევაში ასევე განიხილა მოქალაქეთა ჩართულობის ხარისხი ადგილობრივ თვითმმართველობაში.
კვლევის წარდგენა გახსნა ნილს სკოტმა – გაეროს განვითარების პროგრამის (UNDP) ხელმძღვანელმა საქართველოში, და თენგიზ შერგელაშვილმა- საქართველოს რეგიონული განვითარებისა და ინფრასტრუქტურის მინისტრის მოადგილემ. ღონისძიებას დაესწრნენ საქართველოს მთავრობის, პარლამენტის, სამოქალაქო საზოგადოების, საერთაშორისო ორგანიზაციებისა და მედიის წარმომადგენლები.
საზოგადოებრივი მომსახურების მიმართ მოქალაქეთა დამოკიდებულების კვლევა ჩატარდა 2015 წლის ნოემბერში გაეროს განვითარების პროგრამის (UNDP), სამხრეთ კავკასიაში შვეიცარიის განვითარებისა და თანამშრომლობის ოფისისა (SCO) და ავსტრიის განვითარების სააგენტოს (ADC) დაკვეთით. კვლევა ჩაატარა ქართულმა კვლევითმა ორგანიზაციამ „ეისითი“.
კვლევა ეყრდნობა 18 წელზე ზემოთ ასაკის 3800 მოქალაქის გამოკითხვისა და ჩაღრმავებული ინტერვიუების შედეგებს. მასში შეჯამებულია მოქალაქეთა დამოკიდებულება ადგილობრივი მუნიციპალოტეტებისა და ცენტრალური ხელისუფლების მიერ განხორციელებული საზოგადოებრივი მომსახურების მიმართ საქართველოს ყველა რეგიონში და წარმოდგენილია 2013 წელს ჩატარებული ანალოგიური კვლევის შედეგების შედარებითი ანალიზი. კვლევა ასევე შეიცავს რეკომენდაციებს ადგილობრივი ხელისუფლების მიმართ, რომლებიც ეფუძნება მოქალაქეთა წარმოდგენებისა და მოლოდინების ანალიზს.
კვლევის სრული ანგარიში განთავსდება გაეროს განვითარების პროგრამის (UNDP) ვებ-გვერდზე: www.ge.undp.org
კვლევა ჩატარდა გაეროს განვითარების პროგრამის (UNDP), სამხრეთ კავკასიაში შვეიცარიის განვითარებისა და თანამშრომლობის ოფისისა (SCO) და ავსტრიის განვითარების სააგენტოს (ADC) უფრო ფართო ინიციატივის ფარგლებში, რომლის მიზანია თვითმმართველობის რეფორმის ხელშეწყობა საქართველოში.
2 ივნისს, პროექტის „ინოვაციური პროფესიული განათლების დანერგვა საქართველოს მეთევზეობის ინდუსტრიაში“ ფარგლებში,
რომელიც დაფინანსებულია ათასწლეულის გამოწვევის ფონდის საგრანტო კონკურსის მიერ, გაიმართა მეთევზეობის სფეროს
ბიზნეს-სუბიექტების კვლევის პრეზენტაცია. აღნიშნული კვლევა ჩატარდა 2016 წლის დეკემბერ - თებერვალში (2017 წელი)
პროფესიული კოლეჯი "ფაზისის" დაკვეთით და განხორციელდა კვლევითი და საკონსულტაციო კომპანია "ეისითის" მიერ.
