Geo
Geo
21 სექტემბერს აჭარაში მასშტაბური ღონისძიება "HR Connect | Adjara Edition" გაიმართა, სადაც სპიკერები იყვნენ ეისითის მმართველი პარტნიორი და მენეჯმენტ კონსულტანტი, თინათინ რუხაძე და HRPA-ს პრეზიდენტი, სერგო ნოზაძე, რომლებმაც ორგანიზაციის გამოწვევებსა და შესაძლებლობებზე ისაუბრეს, როგორც HR-ების, ისე კომპანიის მმართველების პერსპექტივიდან.
| კონგრესის სპიკერები ასევე იყვნენ კომპანია Cenomi Retail Georgia-ს ადამიანური კაპიტალის დეპარტამენტის უფროსი - ნატო კვაჭანტირაძე, რომელიც უძღვებოდა დისკუსიას „ახალი თაობა და რეგიონული რეალობა“ და Self.HR-ს წარმომადგენელი მარიამ სახოკია რომელმაც ისაუბრა თემაზე: HR პროცესების ავტომატიზაცია და მისი ეფექტი ბიზნესის განვითარების გზაზე.
|
|
 |
ღონისძიებას HR პროფესიონალები, აღმასრულებელი დირექტორები და საჯარო სექტორის წარმომადგენლები მთელი საქართველოდან ესწრებოდნენ
საქართველოს ინოვაციების და ტექნოლოგიების სააგენტო (GITA) -ს ციფრული ტრანსფორმაციის პროექტის ფარგლებში საგრანტო კონკურსში გაიმარჯვა ეისითიმ, პროექტით: „ტრანსკიპტების ავტომატიზაცია ხელოვნური ინტელექტის საშუალებით“ და მიიღო საგრანტო თანხა 25 000 ლარი.
ციფრული ტრანსფორმაციის პროექტის ფარგლებში საგრანტო პროგრამის პირველი ეტაპის გამარჯვებულები არიან ასევე:
პროექტი ხორციელდება 2022 წლის 12 დეკემბერს გერმანიის ფედერაციული რესპუბლიკის მთავრობასა და საქართველოს მთავრობას შორის გაფორმებული ხელშეკრულებით გათვალისწინებული შეთანხმების საფუძველზე.
GITA-ს ინიციატივას მხარს უჭერს პროექტი „მცირე და საშუალო საწარმოების ციფრული ტრანსფორმაცია აღმოსავლეთ პარტნიორობის ქვეყნებში“ (DT4SME), რომელიც მიმდინარეობს გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაფინანსებით და მას გერმანიის საერთაშორისო თანამშრომლობის საზოგადოება (GIZ) ახორციელებს.
27 ივნისს ეისითიმ უმასპინძლა ღონისძიებას „HR Insights: ორგანიზაციული განვითარების ახალი ჰორიზონტები“, სადაც წარმოვადგინეთ ეისითის გუნდის მიერ შექმნილი ინოვაციური კვლევითი პროდუქტები ადამიანური კაპიტალის მართვისა და ორგანიზაციული განვითარების მიმართულებით.
|
ღონისძიებას ესწრებოდნენ ქართულ ბაზარზე წამყვანი HR და OD პროფესიონალები. ღონისძიების ფარგლებში მათ საშუალება ჰქონდათ გაცნობოდნენ ეისითის გუნდის მიერ შექმნილ 4 ანალიტიკურ მოდელს, რომელიც ადგილობრივ და საერთაშორისო ბაზრებზე ეისითის მრავალწლიან კვლევით-საკონსულტაციო პრაქტიკას ეფუძნება და ქართული ორგანიზაციებისთვის აქტუალურ გამოწვევებს ეხმიანება:
|
|
 |
 |
|
„საერთაშორისო კვლევითი ინდუსტრია საკმაოდ დინამიურია, მუდმივ ციფრულ და ინოვაციურ გადაწყვეტებს სთავაზობს მომხმარებელს. ძალიან მნიშვნელოვანია, რომ საქართველოშიც მოხდეს ამ ტენდენციისთვის ფეხის აწყობა. შესაბამისად, ტექნოლოგიური განვითარება და ციფრული პროდუქტები ჩვენი გუნდის ამჟამინდელ პრიორიტეტს წარმოადგენს. ეისითის გუნდმა შეიმუშავა ინოვაციური და ძალიან საინტერესო პროდუქტები, რომლებიც განკუთვნილია ადამიანური რესურსების მართვის სპეციალისტებისთვის. ჩვენი ღრმა რწმენით, ამ პროდუქტებს შეუძლია ერთი მხრივ გააძლიეროს ამ სფეროში მომუშავე სპეციალისტები ინფორმაციითა და ინსაიტებით, მეორე მხრივ კი, წვლილი შეიტანოს ზოგადად კვლევითი ინდუსტრიის განვითარებაში.“ - ნინო ქერქაძე, ACT კვლევის პორტფოლიო ლიდი
|
ღონისძიება მიზნად ისახავდა დამსწრე პროფესიონალებს:
ნინო კემულარია, ACT კვლევის აღმასრულებელი დირექტორი 30 UNDER 30 • Forbes Georgia 2024 წლის გამარჯვებულია ფინანსების კატეგორიაში.
ნინო კემულარია ACT-ის გუნდს 2019 წელს შემოუერთდა, სადაც კარიერული თავგადასავალი ACT ჯგუფის ფინანსური მენეჯერის როლით დაიწყო. შემდეგ, ფინანსური დირექტორის პოზიციაზე გადაინაცვლა და მენეჯერულ ფუნქციებთან ერთად, მნიშვნელოვან სტრატეგიულ გადაწყვეტილებებშიც ჩაერთო.
2023 წლიდან, ნინო ACT-ის საოპერაციო დირექტორი გახდა და კომპანიის გაციფრულებასა და პროცესების ავტომატიზაციაში მნიშვნელოვანი ნაბიჯები გადადგა. ხოლო 2024 წლიდან ნინო კემულარიამ ACT კვლევის აღმასრულებელი დირექტორის პოზიცია დაიკავა და „ACT კვლევის“ თანამედროვე ტექნოლოგიების საშუალებით განვითარებას ჩაუდგა სათავეში.
პროფესიით ფინანსისტია. კავკასიის უნივერსიტეტის ბაკალავრიატის შემდეგ, საფრანგეთში, გრენობლის მენეჯმენტის სკოლაში მოიპოვა MBA ხარისხი. „ACT კვლევის“ ხელმძღვანელობის პარალელურად, ნინო კავკასიის უნივერსიტეტის ასოცირებული პროფესორია და ბიზნესის სკოლის სტუდენტებს უზიარებს გამოცდილებას.
