Geo
Geo
19 აპრილს, ეისითის თანადამფუძნებელმა და კულტურის ლიდმა რუსუდან თელიამ საჯარო ლექცია გამართა თემაზე "თანაგრძნობის ძალა - უკრაინის ომი და ჩვენ".
"რატომ აქვს თანაგრძნობას სამყაროში რეალური ცვლილებების ძალა? იმიტომ, რომ ის ჩვენ გულებში ღრმა კვალს ტოვებს. მხოლოდ ნამდვილი თანაგრძნობით შეგვიძლია განვიცადოთ ერთობის სიხარული, სიკეთისა და სამართლიანობისთვის ბრძოლის გაბედულება".
ლექციას დაესწრო საქართველოს უნივერსიტეტის სტუდენტები და თავისუფალი დამსწრე საზოგადოება.
|
12 აპრილს ბიზნესლიდერთა ფედერაციას „ქალები მომავლისთვის“ წევრებსა და საქართველოს პრეზიდენტს - სალომე ზურაბიშვილს შორის გაცნობითი ხასიათის შეხვედრა შედგა, სადაც ასოციაციის წევრებმა საკუთარი საქმიანობა წარადგინეს და ხაზი გაუსვეს ქალის მიერ მართული ბიზნესის მხარდაჭერის პროცესში პრეზიდენტის ჩართულობის მნიშვნელობას.
შეხვედრაზე ეისითის, როგორც ქალთა ბიზნეს ასოციაციის წევრ კომპანიას, წარმოადგენდა ეისითის პარტნიორი და აღმასრულებელი დირექტორი ნატალია კვიწინაშვილი. |
|
 |
|
|
|
|
 |
|
შეხვედრაზე განხილულ იქნა პრეზიდენტის როლი ქვეყანაში - გენდერული პოლიტიკის გატარებასთან მიმართებაში, კერძოდ, ქალთა ეკონომიკურ გაძლიერებასა და გენდერული თანასწორობის კუთხით საქართველოს საერთაშორისოდ ნაკისრი ვალდებულებების შესრულების თაობაზე. ასევე, კერძო სექტორისთვის მნიშვნელოვანი და აქტუალური საკითხები და გამოწვევები:
|
ბიზნეს ფორმულაზე, გადაცემა way2SUSTAINABILITY - გზა მდგრადობსკენ, გაეროს გლობალური შეთანხმების (UN Global Compact) ქსელი საქართველოს მიერ შვედეთის მთავრობის მხარდაჭერით მზადდება.
რუბრიკის სტუმარი, ეისითის თანამდამფუძნებელი და კულტურის ლიდი - რუსუდან თელია საუბრობს ქალთა ეკონომიურ გაძლიერებაზე, კორპორატიუილ მდგრადობის საკითხების პოპულარიზაციაზე საქართველოში და მიმდინარე რუსეთ-უკრაინის ომის მხარდამჭერ ღონისძიებებზე.
შეგახსენებთ, რომ კვლევითი და მენეჯმენტის საკონსულტაციო კომპანია ACT გაეროს გლობალური შეთანხმების (UN Global Compact) ქსელის წევრია. აღნიშნული ქსელი მსოფლიოს 160 ქვეყნიდან 13,500-ზე მეტ პასუხისმგებლიან კომპანიას აერთიანებს უკეთესი და სასურველი სამყაროს შესაქმნელად, მდგრადი განვითარების მიზნების (SDGs) განხორციელების წახალისებისა და მხარდაჭერის გზით. ამჟამად საქართველოს ქსელი 110 წევრს აერთიანებს.
პროგრამული უზრუნველყოფის კომპანია „დიფლექსმა“ საქართველოს ჯანდაცვის ჯგუფის (GHG) ინვესტიცია მოიპოვა, რომელმაც ჯამში მილიონ ლარამდე შეადგინა. დიფლექსი დღეიდან საერთაშორისო მასშტაბის ციფრული პროდუქტის განვითარებას იწყებს, 2022 წელს კი, საერთაშორისო ბაზარზე გასვლას გეგმავს.
დიფლექსი ეისითის შვილობილი კომპანიაა, რომელმაც ეისითის მაღალი ექსპერტიზა სატელეფონო კვლევების მიმართულებით კონკრეტულ ციფრულ პროდუქტში გადაიტანა. საერთაშორისო სოფტების გამოყენებამ და კლიენტების მოთხოვნებზე დაკვირვებამ შესაძლებელი გახადა ონლაინ ქოლ-ცენტრის მომსახურების შექმნა, რომელმაც თავის თავში უახლესი ტექნოლოგიები და ინოვაციური მიდგომები გააერთიანა.
დიფლექსი მომხმარებელს სთავაზობს ვირტუალურ ქოლ ცენტრს და საკომუნიკაციო პლატფორმას. პროდუქტი უნიკალურია თავისი არსით და გამოყენებით, ის თავის თავში აერთიანებს ყველა იმ პრიორიტეტს, რომელსაც სხვადასხვა საჭიროებისთვის ცალკეული ტექნოლოგიები უზრუნველყოფენ. თუ კომპანიას არ აქვს შესაბამისი ინფრასტრუქტურა - ოფისები, სერვერები და არ ჰყავს ოპერატორები, მაგრამ სურს ქოლ ცენტრის მოწყობა ან ცხელი ხაზის ამუშავება, შეუძლია ისარგებლოს დიფლექსის მომსახურებით.
„ამჟამად ვართ პროდუქტის განვითარების გუნდის ჩამოყალიბების ეტაპზე. არსებული დროისთვის პროდუქტი ორი ქვეყნის ბაზარზეა მორგებული და შეუფერხებლად მუშაობს, თუმცა გვაქვს ამბიცია გლობალური ბაზარი ავითვისოთ, შესაბამისად, იგეგმება საერთაშორისო რეგულაციების და სტანდარტების გათვალისწინებით პროდუქტის მოდიფიკაცია“, - აღნიშნავს კომპანია „დიფლექსის“ თანადამფუძნებელი და აღმასრულებელი დირექტორი ნინო ხარშილაძე.
დიფლექსი მომავლის პროდუქტია და მისი კონკრეტული პრიორიტეტები აღემატება რიგითი ციფრული პროდუქტის შესაძლებლობებს:
აღნიშნული უპირატესობების გათვალისწინებით ყველაზე მთავარი, რის საშუალებასაც დიფლექსი იძლევა, ეს არის კომპანიებისთვის დანახარჯების შემცირება და სხვადასხვა ფუნქციით და უფრო მოქნილი მიდგომებით ოპერირების შესაძლებლობა. ამასთან, დიფლექსი უზრუნველყოფს პირადი ბაზების კონფიდენციალურობის დაცვას, რადგან ქოლ ცენტრების მომხმარებელ ორგანიზაციებს აქვთ საშუალება არსებული სატელეფონო ბაზა თავიანთ მხარეს დაიტოვონ და ისე მიიღონ მომსახურება აუთსორსზე. ხარისხის კონტროლის მიზნით კი პროცესშივე მოახდინონ ზარების მონიტორინგი და კორექტირება.
ინვესტიციის მოზიდვა და საქართველოს სამედიცინო ჯგუფის დაინტერესება საერთაშორისო პოტენციალის მქონე პროდუქტით მას შემდეგ მოხდა, რაც პანდემიით გამოწვეული კრიზისის დროს ეისითის საწარმოო პროცესში დიფლექსმა წარმატებული და ნაყოფიერი როლი ითამაშა. ციფრულ ხაზზე გადაწყობისას სატელეფონო კვლევების გატანა დიფლექსის პროგრამაში კომპანიისთვის სასიცოცხლო მნიშვნელობის მატარებელი აღმოჩნდა და ამასთან, დანახარჯების შემცირება და ეფექტიანობის გაზრდა გამოიწვია. პარტნიორებისთვის ასევე მნიშვნელოვანი და სანდოობის მაჩვენებელი აღმოჩნდა ინფორმაცია, რომ ციფრული პროდუქტით მსოფლიო ბაზრის უმსხვილესი პროგრამული უზრუნველყოფის კომპანიის წარმომადგენლები QuestionPro და SurveyToGo-ს მენეჯმენტი დაინტერესდა და თანამშრომლობის სურვილი გამოთქვა.
დიფლექსი განვითარების აქტიურ ფაზას გადის და მსოფლიო არენაზე გასვლისთვის ემზადება. ეისითის პროდუქტების განვითარების და შეთავაზების მრავალწლიანი გამოცდილება და საქართველოს ჯანდაცვის ჯგუფის მასშტაბირების პოტენციალი ორი კომპანიის კოლაბორაციით შექმნილი პროექტის გლობალური ბაზარზე გატანის ამბიციას რეალურს ხდის. მთავარი კონცეფცია Win to Win პრინციპს ემყარება, კომპანიები დიპლექსის გამოყენებით სრულყოფილი მომსახურების გაწევის შესაძლებლობას იღებენ, ხოლო ეისითის შვილობილი კომპანია „დიფლექსი“ - ახალ მომხმარებლებს მთელი მსოფლიოს მასშტაბით.
