ACT-ის კონსულტანტებისა და ანალიტიკოსების გუნდი პირველადი და მეორეული მონაცემების შეგროვებისა და ანალიზის საშუალებით უზრუნველყოფს ბიზნესებს ბაზარზე არსებული მდგომარეობის ჰოლისტიკური აღქმით და ეხმარება, აღმოაჩინონ ახალი შესაძლებლობები და არსებულ ბაზარზე ზრდისა თუ ახალ ბაზარზე შესვლის პოტენციალი.

გარე ფაქტორების ანალიზი მოიცავს ისეთ კრიტიკულ საკითხებს, როგორებიცაა:

• ბაზრის ძირითადი ტენდენციების იდენტიფიცირება;
• ბიზნესის საქმიანობაზე ზემოქმედების მქონე ძირითადი ფაქტორების, მათი პოტენციური გავლენებისა და რეაგირების გზების იდენტიფიცირება;
• კონკურენტული გარემოს შეფასება, კონკურენტების სტრატეგიების, ძლიერი და სუსტი მხარეების იდენტიფიცირება;
• საუკეთესო პრაქტიკების (Best Practices) შესწავლა;
• ბაზრის სეგმენტაცია;
• მომხმარებლების ქცევისა და საჭიროებების ანალიზი.
• 
  

გარე ფაქტორების ანალიზთან ერთად ACT ხელს უწყობს ბიზნესებს კომპანიის შიდა მონაცემების გაანალიზებაშიც, გარემოში არსებულ ტენდენციებთან და ბიზნესის გრძელვადიან მიზნებთან მათი შესაბამისობის უზრუნველყოფის მიზნით. შიდა მონაცემების ანალიტიკა მოიცავს:

• ორგანიზაციის არსებული რესურსებისა და შესაძლებლობების შეფასებას;
• სხვადასხვა ბიზნესდომეინის ეფექტურობისა და ეფექტიანობის შეფასებას;
• პორტფელის სიჯანსაღის შეფასებას;
• ორგანიზაციული სტრუქტურის, სისტემებისა და პროცესების ანალიზს;
• ბიზნეს აქტივობების ანალიზს ღირებულების შექმნისა და ოპტიმიზაციის შესაძლებლობების აღმოსაჩენად.

თუმცა მხოლოდ ამით არ შემოიფარგლება.

მომხმარებელთა ქცევის შესწავლა, მათი სურვილებისა და საჭიროებების ცოდნა და გააზრება ნებისმიერი ბიზნესის წარმატების გარანტია. ამის საპირისპიროდ, მომხმარებლის მოლოდინებზე ბუნდოვანი წარმოდგენა, ხშირად ხდება კომპანიის მიუღწეველი მიზნებისა და არამიზნობრივად დახარჯული რესურსების წინაპირობა.

ACT-ის გუნდი უკვე ორი ათწლეულია იკვლევს და აანალიზებს მომხმარებელთა ქცევას საერთაშორისო ბაზარზე. ჩვენ ვეხმარებით დამკვეთ კომპანიებს ნათლად დაინახონ საკუთარი მომხმარებლის სურვილები, მათი ქცევის თავისებურებები, მოთხოვნები თუ პრიორიტეტები. სამომხმარებლო კვლევებსა და მონაცემებზე დამყარებულ (data-driven) ბიზნესანალიტიკის საფუძველზე, ჩვენ ვთავაზობთ კომპანიებს სამომხმარებლო ინსაითებს, რაც ხელს უწყობს:

• მომხმარებლების მოთხოვნების შესაბამისად, პროდუქტის ან სერვისის განახლებასა და განვითარებას;
• ოპტიმალური გაყიდვების სტრატეგიის შემუშავებას;
• გაყიდვების სტრატეგიის მხარდამჭერი ეფექტური მარკეტინგული სტრატეგიებისა და მომხმარებელზე ორიენტირებული საკომუნიკაციო კამპანიების შემუშავებას;
• კლიენტისთვის მეტი ფასეულობის შექმნას, მათ შორის მიმზიდველი ლოიალობის პროგრამების შემუშავების გზით კლიენტთა კმაყოფილებისა და ლოიალობის ზრდას;
• რესურსების ეფექტურ ალოკაციას.