Geo
Geo
"ლიდერობის მანიფესტი", ეს არის წიგნი ლიდერობაზე, სადაც ფართოდ სისტემურად და სიღრმისეულად შესწავლილია ლიდერობის ფენომენი. მოდელი, რომელსაც ავტორები გვთავაზობენ მწავალ წლიანი კვლევებით გამყარებულია და ნათლად აჩვენებს 18 მთავარი კომპეტენციის კავშირს ლიდერისა და ლიდერების გუნდის ეფექტიანობასთან. და იმასაც თუ რამხელა ზეგავლენა აქვს ამ ყველაფერს ორგანიზაციის წარმატებაზე.
"ლიდერობის მანიფესტი" ნამდვილად სამაგიდო წიგნია ორგანიზაციის მმართველებისთვის, ადამიანური კაპუტალის სპეციალისტებისა თუ თვითგანვითარებით დაინტერესებული ნებისმიერი ადამიანისთვის. ის ღრმად გახედებს საკუთარ თავში, მის ყველაზე დამალულ ადგილებში გამოგზაურებს, რათა უკეთ იგრძნო საკუთარი რესურსი და განვითარების უკიდეგანო შესაძლებლობები.
ლიდერობის ამ მოდელის მიხედვით საკუთარ თავზე მუშაობა პირადად ჩემთვის საოცრად ტრანსფორმაციული აღმოჩნდა. მან დამანახა საკუთარი თავი 360 გრადუსით და შემაგრძნობინა ის ენერგია, რომელმაც სრულიად ახალი ცხოვრების დაწყების ძალა მომცა." - რუსუდან თელია
|
22 აპრილს, სასტუმრო “სტამბაში”, Forbs Women Georgia-ს მიერ ორგანიზებულ სამიტის The Power of NO-ს ფარგლებში, ეისითის დამფუძნებელი თინათინ რუხაძემ ისაუბრა როგორ შეცვალა „არა“-მ მისი ცხოვრება და როგორ იქცა დაბრკოლებები წარმატების გასაღებად.
|
|
 |
|
The Power of No-ს პროექტი ქალების პროფესიული განვითარების გზას და ამ გზაზე არსებულ დაბრკოლებებს ეხება. პროექტის ორგანიზატორებმა, ფოკუსი სტრუქტურულ და კულტურულ ბარიერებზე შეაჩერეს, რომლებიც მთელ მსოფლიოში გენდერულად სპეციფიურია და კარიერის თვალსაზრისით ქალის წინსვლას მნიშვნელოვნად აფერხებს.
|
|
 |
 |
|
პროექტი მიზნად ისახავდა როგორც დამწყებ და ახალგაზრდა, ასევე, უკვე შემდგარ პროფესიონალებისთვის გაეცნო სხვადასხვა სფეროში მოღვაწე ქართველი ქალის პროფესიული ბიოგრაფია და დამსწრე საზოგადოება დაეფიქრებინა წინააღმდეგობების გააზრებისა და გადალახვის მათ მაგალითებზე.
|
|
სიტყვა „No” მეტაფორად არის გამოყენებული და მასში გაერთიანებულია ხელშემშლელი სოციალური კონტექსტი, უხილავი ფორმით მჩაგვრელი ინსტიტუციური მოწყობა და რაც მთავარია - თვით-დამაკნინებელი და თვით-დამამარცხებელი გონების განწყობა - „მაინდსეტი.“ |
|
 |
 |
|
The Power of No – ს მონაწილეებს შორის იყვენენ: ცირა კემულარია - TBC ბანკის სამეთვალყურეო საბჭოს უფროსი დამოუკიდებელი წევრი, მერი ჩაჩანიძე - „თიბისი კაპიტალი“-ს მმართველი დირექტორი, ანა ნაკაშიძე - „AzerTelecom“-ის აღმასრულებელი დირექტორი, ანა აგლაძე - “Tag&Match” დამფუძნებელი, ირინე ხუნდაძე - „Munchies by food goddess“-ს დამფუძნებელი, ნინო ზამბახიძე - ფერმერთა ასოციაციის თავმჯდომარე, შორენა დარჩიაშვილი - „თეთრი კვადრატი“-ს გენერალური დირექტორი და სხვები.
|
ახალი რეგიონი და სამი ახალი ქვეყანა ეისითის საერთაშორისო პროექტულ რუკაზე. კვლევისა და მენეჯმენტის საკონსულტაციო კომპანია უკვე მსოფლიოს 31 ქვეყანაშია წარმოდგენილი.
აპრილიდან ეისითი ეკონომიკური თანამშრომლობისა და განვითარების ორგანიზაციის (OECD) პროექტს იწყებს, რომელიც სამ ქვეყანას - კამბოჯას, ინდოეთსა და ფილიპინებს მოიცავს. ეს კი ნიშნავს, რომ ეისითი წარმატებულ პროექტებს უკვე მსოფლიოს 195 ქვეყნიდან 16%-ში ახორციელებს.
აღნიშნული კვლევის მიზანია აზია-წყნარი ოკეანის რეგიონის ზრდასრული მოსახლეობის ფინანსური წიგნიერებისა და ფინანსებზე ხელმისაწვდომობის დონის განსაზღვრა.
"2010 წლიდან სერვისების ინტერნაციონალიზაცია ეისითის ძირითადი პრიორიტეტია და აქტიურად ვმუშაობთ გეოგრაფიული გაფართოებისათვის - რეგიონის ქვეყნებში წარმომადგენლობის დაფუძნებისა და საერთაშორისო პარტნიორული ქსელების შექმნის გზით. პანდემიის პერიოდში დისტანციურ სერვისებზე მოთხოვნის გაზრდამ და ტექნოლოგიურმა განვითარებამ განსაკუთრებული შესაძლებლობები გააჩინა სერვისების ინტერნაციონალიზაციისათვის - ჩვენ მოგვეცა შესაძლებელობა გვემუშავა ახალ ქვეყნებში, თუმცა კონცენტრაცია ტერიტორიულად მომიჯნავე ცენტრალურ აზიასა და აღმოსავლეთ ევროპაზე გვაქვს.
2023 წელი სრულიად განსაკუთრებულია ეისითის საერთაშორისო განვითარებისათვის, რადგან პორტფელში გაჩნდა სამხრეთ აღმოსავლეთ აზიის ქვეყნები: ინდოეთი, კამბოჯა და ფილიპინები. ეს რეგიონი არა მხოლოდ ეისითისთვის, არამედ ზოგადად ქართული კვლევითი და საკონსულტაციო სექტორისათვის ახალ ბაზარს წარმოადგენს და ეისითის საერთაშორისო პორტფელის გაზრდის უნიკალური შესაძლებლობაა.
"საერთაშორისო განვითარების სააგენტოებს და დონორ ორგანიზაციებს ეისითი სთავაზობს მრავალქვეყნიანი პროექტების უნიციფირებული მენეჯმენტის სისტემასა და კომპეტენციების სრულ სპექტრს ქვეყნებში, სადაც ოპერირებს. ადგილობრივი კონტექსტის უნიკალური ცოდნა, წვდომა ექსპერტულ მომსახურებებზე და საერთაშორისო სტანდარტები - ჩვენ გვაქცევს სანდო და ეფექტურ პარტნიორად განვითარების აგენტებისათვის. ყოველი წარმატებით განხორციელებული პროექტი კი, გზას ხსნის მომავალი შესაძლებელობებისათვის", - აღნიშავს სოფო ჩაჩანიძე.
ეისითის აღსრულების ლიდი და მმართველი პარტნიორი ნატალია კვიწინაშვილი საქართველოს საზოგადოებრივი აზრის კვლევის ასოციაციის ფინანსური კომიტეტის ხელმძღვანელის მოადგილის პოზიციაზე აირჩიეს.
საქართველოს საზოგადოებრივი აზრის კვლევის ასოციაცია პროფესიული გაერთიანებაა, რომლის მიზანია ხარისხიანი და მაღალეთიკური სტანდარტების შესაბამისად საზოგადოებრივი აზრისა და სხვა სამეცნიერო კვლევების ჩატარების ხელშეწყობა.
„ასოციაციის მიზანი დარგის განვითარების ხელშეწყობა და ინდუსტრიაში მაღალი სტანდარტების შექმნაა. ვფიქრობ, ჩემი 21 წლიანი გამოცდილება კვლევით სფეროში და თანამედროვე ფინანსური მიდგომების ცოდნა, მნიშვნელოვნად დამეხმარება აღნიშნულ პოზიციაზე და ეს თანამშრომლობა ორმხრივად სასარგებლო იქნება - როგორც სფეროსთვის, ასევე ორგანიზაციის მდგრადი განვითარებისთვის.“ - ნატა კვიწინაშვილი, ეისითის აღსრულების ლიდი.
21 მარტს ეისითის დამფუძნებელმა და ხედვის ლიდმა თინათინ რუხაძემ BMGLIVE-ის გადაცემაში "წერტილი" თელარა გელანტიასთან ერთად, ისაუბრა ეისითის საქმიანობაზე, რა სთავაზობს კომპანია ბიზნესს და როგორ აძლიერებს ორგანიზაციებს ცლილებებისთვის. გადაცემაში დასმული საკითხები ასევე მოიცავდა:
BMGTV-ს ეთერში ACT-ს დამფუძნებელმა კარგი ლიდერის ძირითადად თვისებებზეც ისაუბრა. თინათინ რუხაძის აზრით, ყველაზე მთავარია, ლიდერი გუნდის ინსპირაციის წყარო იყოს.
„ძალიან ხშირად მენეჯერებს, ლიდერებს ჰგონიათ, კარგი ლიდერობა ნიშნავს იმას, რომ ყველაზე კარგად აკეთო რაღაც. ჩემი აზრით კი, კარგმა ლიდერმა ინსპირაცია უნდა მისცეს გუნდს, რომ რაღაც საუკეთესო შექმნას. ლიდერობა ნიშნავს გუნდთან ურთიერთობას და მათ მხარდაჭერას. ხშირად ლიდერებს ჰგონიათ, რომ ბევრი საქმე აქვთ და კომუნიკაციისთვის ვერ იცლიან, მაგრამ ყველაზე დიდი საქმე, რაც შეიძლება ლიდერმა გააკეთოს, ეს არის თანამშრომლებთან კავშირი და შემდეგ, ეს ადამიანები იმ საქმეს გადასარევად გააკეთებენ“, -თინათინ რუხაძე
