ნესტან გაფრინდაშვილს აქვს 13-წლიანი პრაქტიკული პროფესიული გამოცდილება, რომელიც დააგროვა სხვადასხვა საჯარო თუ კერძო ორგანიზაციაში პოლიტიკის ანალიზის, საჯარო ფინანსების, რეგულირების გავლენის შეფასებების, ხარჯ-სარგებლის ანალიზის, პროექტის საბოლოო შეფასებების სფეროებში. იგი სხვადასხვა დროს მუშაობდა ცენტრალური და ადგილობრივი ხელისუფლებების საკანონმდებლო და აღმასრულებელ უწყებებში, კვლევით ორგანიზაციებში, აქვს ასევე ლექტორობის და ტრენერობის გამოცდილება. მას აქტიურად მიუღია მონაწილეობა პროფესიასთან დაკავშირებულ საერთაშორისო პროექტებსა და საგანმანათლებლო კურსებში. იგი არის არაერთი სტატიისა და პუბლიკაციის ავტორი.

ნესტანი არის ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის მიმართულების დოქტორი (PhD in Economics). ის არის ამავე უნივერსიტეტის ბიზნესის ადმინისტრირების ბაკალავრი და საჯარო მმართველობის მაგისტრი. მის პროფესიულ ინტერესებს შორის განსაკუთრებული ადგილი უკავია გარემოსდაცვით ეკონომიკასა და მდგრად განვითარებას, ეკონომიკური ღირებულების დადგენას არასაბაზრო გავლენის სფეროებისთვის და საზოგადოების კეთილდღეობის შეფასებებს.