„ეისითი“ 2002 წელს შეიქმნა საქართველოში, როგორც კვლევითი კომპანია. დღეს კი  "ეისითი გლობალი" კვლევით და საკონსულტაციო სამუშაოებს აწარმოებს 3 კონტინენტზე, 35 ქვეყანაში. „ეისითი გლობალის“ განვითარების გეგმა მოიცავს არამხოლოდ გეოგრაფიულ, არამედ ბიზნეს-სერვისების დივერსიფიკაციის სტრატეგიას. კომპანიის განვითარების ხედვის შესაბამისად, გახდეს ბიზნეს-სერვისების გლობალური ჰაბი, 2025 წლიდან "ეისითის" ბრენდის ქვეშ სამი ქვებრენდი იწყებს ფუნქციონირებას: ეისითი გლობალი (ACT Global), ეისითი კვლევა (ACTR), ეისითი ინსტიტუტი (ACT Institute). 

"ეისითის" ყველა ქვებრენდს ერთი მისია აერთიანებს - მისცეს სასიკეთო ცვლილებების ძალა მის პარტნიორებს. თუმცა, თითოეული მათგანი ამ მისიას უნიკალური გზით ემსახურება. 

ეისითი გლობალი / ACT Global 

ACT Global მენეჯმენტისა და განვითარების გლობალური საკონსულტაციო კომპანიაა, რომელიც მხარს უჭერს სხვადასხვა ქვეყნის მთავრობებს, წამყვან ორგანიზაციებსა და მათ ლიდერებს გარდამტეხი შედეგების მიღწევასა და მდგრადი განვითარების უზრუნველყოფაში. ჩვენი განსაკუთრებული უნარი მონაცემების, იდეებისა და კომპეტენციების ღირებულ შედეგებში გარდაქმნაა. 

ძირითადი ფოკუსი განვითარებად ქვეყნებზე გვაქვს, რადგან კარგად გვესმის მათი გამოწვევები და ნათლად ვხედავთ იქ არსებულ უზარმაზარ პოტენციალს. 3 კონტინენტზე, 30-ზე მეტ ქვეყანაში ვუჭერთ მხარს კერძო და საზოგადოებრივ ორგანიზაციებს მნიშვნელოვანი ეკონომიკური, სოციალური და პოლიტიკური ცვლილებების განხორციელებაში. 

რას ვაკეთებთ:

‣ ორგანიზაციული ტრანსფორმაცია POWER3®   
‣ ბიზნეს სტრატეგია და ზრდა
‣ ციფრული ტრნასფორმაცია და ინოვაცია
‣  OD & Capability / Capacity Building
‣ ოპერაციები და ბიზნეს პროცესების მენეჯმენტი (BPM)
‣  მონაცემთა მენეჯმენტი და ანალიტიკა
‣  სექტორული კვლევები და ეკონომიკური განვითარება
‣  სოციალური ინკლუზია და ტრანსფორმაცია
‣  დემოკრატია და კარგი მმართველობა
‣  პოლიტიკის შემუშავება
‣  კვლევა და შეფასება
‣  საერთაშორისო პროექტების მენეჯმენტი

ACTR - "ეისითი კვლევა" 

კვლევა "ეისითის" პირველი ბიზნეს მიმართულებაა, რომელიც 23 წელია წარმატებით ოპერირებს როგორც ადგილობრივ, ისე საერთაშორისო ბაზრებზე. მიმდინარე წლიდან ეს მიმართულება ახალ ქვებრენდად – ACTR - ყალიბდება. 

ACTR-ის ამბიციაა ტრადიციული კვლევითი კომპანიიდან გარდაიქმნას ციფრულ ანალიტიკურ კვლევით კომპანიად, რომელიც  ფოკუსირებულია ინოვაციური და მონაცემებზე დაფუძნებული გადაწყვეტილებების შემუშავებაზე. მისი მთავარი მიზანია მონაცემები გახადოს ხელმისაწვდომი და გამოყენებადი მათთვის, ვისაც დროული და ეფექტური გადაწყვეტილებების მიღება სურს. 

რას ვაკეთებთ:  

 ‣ ბაზრის კვლევა 
 ‣ სამომხმარებლო ინსაიტები 
 ‣ ბრენდის კვლევა 
 ‣ კომუნიკაცია და მედია ინსაიტები 
 ‣ პროდუქტის განვითარება
 ‣ სერვისის კვლევები 
 ‣ თანამშრომელთა კვლევები

ACT Institute 

2025 წელს ACT Global-ში შეიქმნა ACT Institute  - ახალი ქვებრენდი ბიზნეს განათლების მიმართულებით, რომლის მიზანია თანამედროვე ბიზნესის გამოწვევების საპასუხოდ, ორგანიზაციებისა და ინდივიდების ზრდის მხარდაჭერა პრაქტიკული და ტრანსფორმაციული სწავლებით.  

ACT ინსტიტუტის პროგრამები მოიცავს არა მხოლოდ ცოდნისა და პრაქტიკული გამოცდილების გაზიარებას, არამედ ინდივიდებისა და ორგანიზაციებისთვის ტრანსფორმაციული ძალის მიცემას. თითოეული პროგრამა შექმნილია იმ გამოწვევების საპასუხოდ, რომლებსაც თანამედროვე ორგანიზაციები აწყდებიან.  ეისითი ინსტიტუტის პროგრამები ეფუძნება კომპანიის საკონსულტაციო მიდგომებს, რეალურ ქეისებსა და სხვადასხვა ინდუსტრიაში დაგროვილ მრავალწლიან ექსპერტიზას. 

ჩვენი პროგრამები: 

ეისითის ბრენდის ახალი სტრატეგია, პირველ რიგში, კლიენტის საჭიროებებს ითვალისწინებს - ამ კომპლექსურ და სწრაფადცვალებად გარემოში გავუმარტივოთ ნავიგაცია მისი ორგანიზაციის საჭიროებების შესაბამისი სერვისების პოვნაში. 

მეორე მხრივ, ეს სტრატეგია ხაზს უსვამს ცალკეული ქვებრენდის დამოუკიდებელ გზას, მისი ზრდის ამბიციას, უნიკალობას და ამავე დროს მიუთითებს, მათ ერთიანობას ეისითის მისიასა და ხედვაში.  

ეისითიში გვჯერა, რომ შესაძლებლობები უსაზღვროა, განვითარება კი  - უწყვეტი. ჩვენი მისია გვანთებს, ჩვენი კლიენტების წარმატება კი გვაძლევს ენერგიას და ძალას, მიზანმიმართულად ვიაროთ წინ გლობალური ცვლილებების მხარდასაჭერად.