კლიენტი: ფრიდრიხ ებერტის ფონდის სამხრეთ კავკასიის წარმომადგენლობა
დამფინანსებელი: ფრიდრიხ ებერტის ფონდი
დასაწყისი: 2016 წლის იანვარი
დასასრული: 2016 წლის დეკემბერი
ქვეყანა: საქართველო
კვლევის ფარგლებში ინფორმაცია მოპოვებული და შესწავლილი იქნა იმ თაობების დამოკიდებულებებისა და ქცევების შესახებ, რომლებიც საბჭოთა კავშირის დაშლის შემდეგ, დამოუკიდებელ საქართველოში გაიზარდნენ, დემოკრატიულ ქვეყნად გარდასვლის პროცესის და ბაზრის ეკონომიკის უკეთ გასაგებად ახალგაზრდების თვალთახედვით. პროექტის ზოგად მიზანს წარმოადგენდა ახალგაზრდების საჭიროებების, დამოკიდებულებების, აღქმების, ინფორმირებულობის დონისა და მოლოდინების დადგენა სოციალური, პოლიტიკური, კულტურული და საგანმანათლებლო საკითხების მიმართ. კვლევის შედეგებმა გამოავლინა ის გამოწვევები, რომლებსაც ახალგაზრდები ხვდებიან და გადაუდებელი ზომების მიღების საჭიროება საზოგადოებასა და პოლიტიკაში.
ეისითის გუნდმა შეისწავლა ახალგაზრდა თაობების შეხედულებები სხვადასხვა საკითხთან დაკავშირებით, მაგალითად, გართობა და ცხოვრების წესი, რელიგია და სოციალური კავშირები, ოჯახი და მეგობრები, პრობლემები და მისწრაფებები, განათლება და პოლიტიკა, მმართველობა და განვითარება, ეროვნული და მსოფლიო პოლიტიკა. დადგინდა გავრცელებული დამოკიდებულებები ხსენებული საკითხების შესახებ, ასევე კონკრეტული ქცევები, კვლევის შედეგებზე დაყრდნობით შემუშავებული და მიწოდებული იქნა ანალიტიკური დასკვნები.
კვლევის შედეგად შესაძლებელი გახდა ქართველი ახალგაზრდების დღევანდელი რეალობის ილუსტრირებულად წარმოდგენა, გამოვლინდა ახალგაზრდობის წინაშე არსებული გამოწვევები მათი პირადი, ეკონომიკური და პოლიტიკური ცხოვრების თვალსაზრისით. კვლევა წარმოადგენდა უფრო ჩაღრმავებული ანალიზისა და დისკუსიის საწყის წეტილს, თუ როგორ შეიძლება გამოვლენილი გამოწვევების დაძლევა რათა ქვეყნის განვითარების პოტენციალი გაძლიერდეს და არა დასუსტდეს.
კლიენტი: ECORYS
დამფინანსებელი: ევროკავშირი
დასაწყისი: 2016 წლის იანვარი
დასასრული: 2020 წლის სექტემბერი
ქვეყნები: საქართველო, აზერბაიჯანი, სომხეთი, უკრაინა, ბელარუსი, მოლდოვა
პროექტის „ევროკავშირის აღმოსავლეთ სამეზობლო“ მიზანია აღმოსავლეთის პარტნიორობის ქვეყნებში გაზარდოს ცნობიერება ევროკავშირის მხარდაჭერის შესახებ გაუმჯობესებული კომუნიკაციის გზით. პროექტის ზოგადი მიზანია ევროკავშირის შესახებ საზოგადოების აღქმების გაუმჯობესება, ასევე ევროპული პოლიტიკის დოკუმენტებისა და მათი ზემოქმედების უკეთ გაგების უზრუნველყოფა, განსაკუთრებით ევროკავშირის რეგიონალურ და ორმხრივ მხარდაჭერასა და აღმოსავლეთის პარტნიორობის ქვეყნებში თანამშრომლობის პროგრამების შესახებ.
ეისითის გუნდი „ევროკავშირის აღმოსავლეთ სამეზობლოს“ პროექტს დახმარებას უწევს საზოგადოებრივი აზრის გამოკითხვაში და ინფორმაციის დონის დადგენაში, რაც აღმოსავლეთის პარტნიორობის ქვეყნების მოქალაქეებს აქვთ ზოგადად ევროკავშირის შესახებ და კონკრეტულად ევროკავშირის მიერ დაფინანსებული თანამშრომლობისა და განვითარების პროგრამების/პროექტების შესახებ. 2016 წლიდან, ჩვენ აღმოსავლეთის პარტნიორობის ექვს ქვეყანაში ვმუშაობთ და ყოველწლიურად ვიკვლევთ პროგრამის ინტერვენციის შედეგებს.
პროექტის ფარგლებში შემუშავებული იქნა საინფორმაციო და საკომუნიკაციო მასალები, განხორციელდა ცნობიერების ამაღლებისა და საინფორმაციო კამპანიები, საზოგადოებრივი აზრის გამოკითხვისა და მედია მონიტორინგის მეშვეობით შეფასებული იქნა ევროკავშირის და მისი მხარდაჭერის მიმართ არსებული აღქმები.
კლიენტი: ათასწლეულის გამოწვევის ფონდი - საქართველო
დამფინანსებელი: ათასწლეულის გამოწვევის ფონდი - საქართველო
დასაწყისი: 2017 წლის დეკემბერი
დასასრული: 2018 წლის ნოემბერი
ქვეყანა: საქართველო
2013 წლის 26 ივლისს, საქართველოს მთავრობამ და ამერიკის შეერთებულმა შტატებმა, წარმოდგენილი ათასწლეულის გამოწვევის კორპორაციის სახელით, ხელი მოაწერეს კომპაქტის ხელშეკრულებას 140 მილიონი აშშ დოლარის გრანტის ოდენობით სიღარიბის დასაძლევად და ეკონომიკური ზრდის გასაძლიერებლად, შეთანხმება ასევე გულისხმობდა ათასწლეულის გამოწვევის კორპორაციის მიერ დახმარების გაწევას კარგი მმართველობის, ეკონომიკური თავისუფლებისა და ინვესტიციების გასაზრდელად. ხუთ წლიანი კომპაქტი 2014 წლის 1 ივლისს შევიდა ძალაში. საქართველოს მეორე კომპაქტის მიზანს წარმოადგენდა პროგრამაში სტრატეგიული ინვესტიციების მხარდაჭერა, რომელიც სამი პროექტისგან შედგება: (1) ზოგადი განათლების ხარისხის გაზრდა; (2) ინდუსტრიის მოთხოვნის შესაბამისი უნარებისა და სამუშაო ძალის განვითარების პროექტი და (3) მეცნიერება, ტექნოლოგიები, ინჟინერია და მათემატიკა (STEM). პროგრამები პასუხობს იმ ფაქტორებს, რომლებიც აფერხებენ ეკონომიკურ განვითარებას და მათი მიზანია საქართველოში ადამიანური კაპიტალის დაბალი ხარისხის გაუმჯობესება.
ათასწლეულის გამოწვევის ფონდ-საქართველოს ფარგლებში დაარსებული მონიტორინგისა და შეფასების განყოფილება, ათასწლეულის გამოწვევის კორპორაციასთან თანამშრომლობით ფონდის მიერ შემუშავებულ მონიტორინგისა და შეფასების გეგმას ახორციელებს პროგრამის შესრულების მონიტორინგისა და შეფასების მიზნით. შესაბამისად, ათასწლეულის გამოწვევის ფონდი - საქართველო რეგულარულად ახორციელებს მონიტორინგისა და შეფასების გეგმის განახლებას, რისთვისაც მონაცემთა ხარისხის მიმოხილვა კრიტიკულ მნიშვნელობას ატარებას.
ეისითის გუნდმა დაადასტურა მონაცემების თანმიმდევრულობა და ხარისხი პროგრამის განმახორციელებელ სააგენტოებსა და სხვა ანგარიშვალდებულ ინსტიტუტებს შორის. განხილული მონაცემები მოიცავდა სახელმწიფო უწყებებისა და ათასწლეულის გამოწვევის ფონდის მიერ დაქირავებული საკონსულტაციო ფირმების მიერ მოპოვებულ და წარდგენილ ადმინისტრაციულ მონაცემებს.
ეისითიმ განახორციელა ათასწლეულის გამოწვევის ფონდი - საქართველოს, საქართველოს მთავრობისა და ფონდის კონსულტანტების მიერ მოპოვებული მონაცემების ხარისხის კონტროლი მონიტორინგისა და შეფასების გეგმაში გაწერილი სტანდარტებისა და კრიტერიუმების შესაბამისად. ხარისხის შემოწმება მოიცავდა ორ ძირითად ასპექტს: პროგრამის ლოგიკის შესამუშავებლად გამოყენებული ინდიკატორები და საბაზისო მონაცემები, რომლებიც შეტანილია ათასწლეული გამოწვევის ფონდის ინდიკატორების აღრიცხვის ცხრილში (მხოლოდ მონიტორინგის ინდიკატორები) და მონაცემების გადამოწმება სკოლებში არსებული პირობების და ხარჯების შეფასების კუთხით.
კლიენტი: გაეროს განვითარების პროგრამა (UNDP)
დამფინანსებელი: სოფლის მეურნეობისა და სოფლის განვითარების ევროპული სამეზობლოს პროგრამა (ENPARD)
დასაწყისი: 2016 წლის ნოემბერი
დასასრული: 2018 წლის ნოემბერი
ქვეყანა: საქართველო
სოფლად მცხოვრები თემების შესაძლებლობების გაძლიერების პროგრამის ფარგლებში, გაეროს განვითარების პროგრამა მხარს უჭერს სოფლად მცხოვრებ მოქალაქეებს, განსაკუთრებით ამაგებს, თავიანთი აქტივობების გამრავალფეროვნებაში და სრულად სოფლის მეურნეობაზე ფოკუსირებული აქტივობებიდან რამდენადმე სხვა აქტივობებზე გადართვაში, რაც ზოგადად სოფლის ეკონომიკის ზრდას შეუწყობს ხელს.
პროექტის ზოგად მიზანს წარმოადგენს თემის შესაძლებლობების გაძლიერება და აჭარის სოფლად მცხოვრები ინდივიდების, ჯგუფებისა და თემების აქტივისტების მხარდაჭერა თავდაჯერებულობის, გაგების და უნარების განვითარებაში, რაც საჭიროა ჩამოყალიბებული ამაგების მეშვეობით სოფლის პოლიტიკის დიალოგსა და გადაწყვეტილების მიღების პროცესზე ზემოქმედების მოსახდენად. ეს მოიცავდა: თემებისათვის ადგილობრივი ქმედებების მიწოდებისა და მართვის საშუალების მიცემას სოფლის საჭიროებების დასაკმაყოფილებლად, თემების დახმარებას, რათა მათ რეალური ზემოქმედება მოეხდინათ სოფლის განვითარებასთან დაკავშირებული ძირითადი მუნიციპალური სერვისების დაგეგმაში, მიწოდებასა და ხარისხის უზრუნველყოფაში, ასევე კონკრეტულ ინიციატივებს, რომელთა მიზანია აჭარის სოფლების ინტეგრირებული განვითარებისათვის ექვსი პრიორიტეტული მიზნის მიღწევა.
ეისითის გუნდმა აჭარის ტერიტორიაზე ჩამოყალიბებული ამაგების წევრებისათვის შეიმუშავა და ჩაატარა ინტერაქციული ტრენინგ პროგრამა და შემდეგ, ღია კონკურსზე დაყრდნობით შეიმუშავა ბიზნეს გეგმები ადგილობრივი ეკონომიკური აქტივობების ინიცირებასთან დაკავშირებით.
სოფლის 189 აქტიური მაცხოვრებელი, ამაგების წარმომადგენლები გადამზადნენ შემდეგი მიმართულებებით:
ბიზნეს დეველოპერებისგან შემდგარმა ეისითის გუნდმა დახმარება გაუწია ამაგების წარმომადგენელ ინდივიდებს ან ინდივიდების ჯგუფებს ბიზნეს გეგმების შემუშავებაში. რამდენიმე ინიციატივა გაეროს განვითარების ფონდის მიერ იქნა დაფინასებული, ხოლო ამაგები კვლავ იღებენ დახმარებას სოფლის მდგრადი განვითარების უზრუნველყოფის მცდელობაში.