world icon Geo drop down arrow
world icon Geo drop down arrow
ბიზნესის ინტერნაციონალიზაცია
ბიზნესის ინტერნაციონალიზაცია

გლობალიზაციის ეპოქაში წარმატებულ ბიზნესებს განვითარების ერთ-ერთ ეტაპზე ბუნებრივად უჩნდებათ ინტერნაციონალიზაციისა და გეოგრაფიული ექსპანსიის სურვილი ან საჭიროება.


ბოლო წლებში ჩვენი რეგიონი განსაკუთრებული ყურადღების ქვეშ აღმოჩნდა. ერთია, რომ სულ უფრო მეტი ადგილობრივი კომპანია ცდილობს გააფართოვოს ბიზნეს-ოპერაციების არეალი და საერთაშორისო ბაზარზე გავიდეს და მეორე ის, რომ საერთაშორისო კომპანიები თავად ცდილობენ მათთვის ახალი რეგიონის ათვისებას და ჩვენს ბაზარზე შემოსვლას.
თუმცა, პრაქტიკა გვაჩვენებს, რომ ზოგჯერ ძალიან კარგი კომპანიები, პროდუქტები და სერვისები, ახალ ბაზრებზე დიდხანს ვერ აღწევენ წარმატებასა და სასურველ შედეგებს. ამის მიზეზი კი, ხშირად ახალი ბაზრების სპეციფიკის ცოდნის ნაკლებობა და / ან საერთაშორისო ბიზნესისთვის არასათანადოდ მომზადებული ორგანიზაციული მართვის სისტემაა.


თუ თქვენი კომპანია ეძებს ახალი განვითარების შესაძლებლობებს, ან თქვენ წარმოადგენთ საერთაშორისო კომპანიას, რომელიც გეგმავს საქართველოს ბაზრის ათვისებას, ACT მენეჯმენტ კონსალტინგის გუნდი დაგეხმარებათ: საერთაშორისო განვითარების მოდელის განსაზღვრაში, ახალი ბაზრის პოტენციალისა და რისკების შეფასებაში და თქვენი კომპანიის გეოგრაფიული განვითარებისთვის მომზადებაში.

საერთაშორისო განვითარების მოდელის განსაზღვრა და შეფასება arrow

გეოგრაფიული განვითარება გულისხმობს ბაზარზე შესვლის რამოდენიმე მოდელს, მათ შორის: ადგილობრივ პარტნიორობას, პირდაპირ წამომადგენლობას, ფრანჩაიზინგს, ლიცენზირებასა თუ სხვას. მოდელის შერჩევა ხდება ბიზნესის მოდელის სპეციფიკის, ასათვისებელი ბაზრის თავისებურებების, კომპანიის სტრატეგიისა და კულტურის შესაბამისად.


ჩვენი გუნდი ეხმარება კომპანიებს თითოეული მოდელის უპირატესობებისა და რისკების შეფასებაში და კომერციული პროგნოზების მოდელირებაში. შეფასების შემდეგ, ჩვენი გუნდი მხარს ოპტიმალური მოდელის შერჩევაში.

ახალი ბაზრის პოტენციალის შეფასება და საუკეთესო ბაზრის არჩევა arrow

ბიზნესის საერთაშორისო განვითარების ეტაპზე მნიშვნელოვან გადაწყვეტილებას წარმოადგენს პოტენციური ბაზრის ან ბაზრების არჩევა. ამ ეტაპზე ACT მენეჯმენტ კონსალტინგის გუნდი მხარს უჭერს კლიენტს სამ ეტაპზე:

  • ბაზრის პოტენციალის შეფასება -  პოტენციური ბაზრის ან ბაზრების ძირითადი ეკონომიკური მაჩვენებლების აღწერა, ბაზრის პოტენციალის შეფასება
  • ბიზნეს გარემოს აუდიტი - კონკურენტული გარემოს შეფასება, ბიზნესის წამოწყებისა და სიმარტივის დონის შეფასება, ქვეყანაში არსებული იურიდიული გარემოსა და ბიზნესის წარმოების ადგილობრივი პრაქტიკების აღწერა.
  • სამომხმარებლო კვლევა - პოტენციური მომხმარებლის ძირითადი ჩვევებისა და ქცევის, მოხმარების პრეფერენციებისა და ბარიერების აღწერა.
საერთაშორისო მართვის სისტემის ფორმირება arrow

კომპანიის ადგილობრივი და საერთაშორისო მართვა განსხვავებულ მიდგომას საჭიროებს. სტრატეგიის განსაზღვრის და მიმართულების არჩევის შემდეგ, მნიშვნელოვანია კომპანიის შიდა სტრუქტურისა და რესურსების დიაგნოსტიკა და შეფასება.


ჩვენი გუნდი აწარმოებს კომპანიის ორგანიზაციული კულტურის და არსებული პროცესების აუდიტს და კლიენტის გუნდთან ერთად, ახდენს საერთაშორისო მართვის სისტემის მოდელირებას. შესაბამისად, ქმნის კომპანიის შიდა განვითარების გეგმას, რომელიც კომპანიას რეგიონალურ თუ საერთაშორისო ასპარეზზე წარმატების მიღწევაში დაეხმარება.

ACT არის საერთაშორისო კომპანია, რომელსაც აქვს 19 წლიანი მრავალდარგობრივი გამოცდილება და რეგიონალური ოფისები აზერბაიჯანსა და ყაზახეთში. ადგილობრივი ოფისებითა და პარტნიორების ქსელის მეშვეობით, ჩვენ ვანხორციელებთ პროექტებს 25-ზე მეტ ქვეყანაში. ჩვენი გუნდის ცოდნა და გამოცდილება მოიცავს ბიზნესის მართვის საუკეთესო საერთაშორისო პრაქტიკებს, რეგიონის სპეციფიკისა და ამ ბაზრებზე ბიზნესის წარმოების თავისებურებების ცოდნას.


პროდუქტი
ჩვენი გუნდი