/>
world icon Geo drop down arrow
world icon Geo drop down arrow
მენეჯმენტის სტრატეგიული მხარდაჭერა
მენეჯმენტის სტრატეგიული მხარდაჭერა

ბიზნესის წარმატების ერთ-ერთი წინაპირობა, ეფექტური და მრავალმხრივ განვითარებული მენეჯმენტ გუნდია. მართალია, ჩვენი კლიენტ-ორგანიზაციები საკმაოდ წარმატებული კომპანიებია, თუმცა ყველა გუნდის ისტორიაში დგება ის მომენტი, როდესაც მას გარე ექსპერტიზა და ახალი ხედვა სჭირდება. ეს შეიძლება გამოწვეული იყოს ყოველწლიური სტრატეგიული დაგეგმვის ანდა მნიშვნელოვანი ცვლილების დროს. ასეთ შემთხვევებში, ეისითის წამყვან კონსულტანტებს კლიენტების მნიშვნელოვანი მხარდაჭერა შეუძლიათ, რაშიც მათ ეხმარებათ:


  • წლების განმავლობაში დაგროვილი ანალიტიკური და საკონსულტაციო ექსპერტიზა
  • სხვადასხვა ტიპის ამოცანების გადაჭრის მრავალწლიანი გამოცდილება - განსხვავებული ინდუსტრიები, განსხვავებული კომპანიები, განსხვავებული გამოწვევები.
  • ეისითის კორპორატიული გამოცდილება - 19 წლის მანძილზე 25-ზე მეტ ქვეყანაში დაგროვილი ინფორმაცია, ინსაიტები, საუკეთესო პრაქტიკები
  • ქოუჩინგისა და ფასილიტაციის უნარები - ყველა ჩვენი წამყვანი კონსულტანტი სერტიფიცირებული ქოუჩია და ასევე, აღჭურვილია ფასილიტაციის ინსტრუმენტებითა და ტექნიკებით


ACT-ის მენეჯმენტ კონსალტინგის გუნდმა შეიმუშავა სერვისები, რომელიც გულისხმობს კლიენტი ორგანიზაციის მენეჯმენტის მხარდაჭერას შემდეგი სამი მიმართულებით:

ბორდის წევრობა arrow

ჩვენ ვმონაწილეობთ მმართველი გუნდის სტრატეგიულ ან რეგულარულ შეხვედრებში, როგორც მათი ბორდის წევრი. ვუზიარებთ კლიენტს ჩვენს ექსპერტიზას, საუკეთესო პრაქტიკებს ჩვენი პროფესიული გამოცდილებიდან.

სტრატეგიული ფასილიტაცია arrow

ყოველწლიური სტრატეგიული დაგეგმარების პროცესში, ან რიგგარეშე მნიშვნელოვანი ცვლილებების შემთხვევაში, ჩვენ ვახდენთ კლიენტი კომპანიების მენეჯმენტ-გუნდის შეხვედრების ფასილიტაციას. ამ გზით, ვზრდით მენეჯმენტ-გუნდის მუშაობისა და გადაწყვეტილებების ეფექტურობას

ბიზნეს-ქოუჩინგი arrow

ჩვენი კონსულტანტები ქოუჩინგური ინსტრუმენტებითა და თავიანთი ბიზნეს-ექსპერტიზით კლიენტებს მხარდაჭერას სთავაზობენ რთული გადაწყვეტილების მიღებისას (იქნება ეს გუნდური თუ ინდივიდუალური გადაწყვეტილებები). ასევე კონკეტული მიმართულების არჩევის შემდეგ, ჩვენი კონსულტანტი ეხმარება კლიენტს სამოქმედო გეგმის გაწერისას პოტენციური რისკებისა და საჭირო რესურსების შეფასებაში.

პრაქტიკა გვაჩვენებს, რომ ეფექტიანი გადაწყვეტილებებისა და წარმატებული შედეგების მომტანი ხდება ზუსტად ისეთი კოლაბორაცია, როდესაც პროცესში ორივე მხარეა ჩართული: ერთის მხრივ - კომპანიის გამოცდილი მენეჯმენტ-გუნდი, რომელმაც კარგად იცის კომპანია და მისი შიდა დინებები და მეორეს მხრივ - გარე კონსულტანტი, ექსპერტი, რომელსაც მიუკერძოებელი, სრულიად ახლებური ხედვა აქვს.

პროდუქტი
საინტერესო ინსაიტები
09.12.2021

კვლევისა და საკონსულტაციო კომპანია ACT-მ წამოიწყო ვიდეორუბრიკა #ახალინორმა, სადაც თანამედროვეობის აქტუალურ საკითხებზეა საუბარი. მაგალითად, რატომ არის დღეს ცვლილებები გარდაუვალი და როგორ აქციოთ ტრანსფორმაციის პროცესი თქვენთვის და კომპანიისთვის წარმატების გარანტიად? სულ რაღაც, ხუთი წუთის განმავლობაში, ამის შესახებ, ACT-ის ხედვის ლიდი თინათინ რუხაძე გესაუბრებათ.